U Vice President ka Ri India u Jagdeep Dhankhar ula wan poi ha nongbah Shillong hynne ka sngi Balang bad la pdiang burom da u Myntri Rangbah u Conrad Sangma, ka Myntri jylla kong Ampareen Lyngdoh, u MP ka Rajya Sabha bah WR Kharlukhi, ka DGP kong Idashisha Nongrang, Chief Secretary bah DP Wahlang bad kiwei ki heh sorkar ki la pdiang burom u vice president Upper jaka hiar Shillong.
La shai ka sngi 17 tarik, ha ka por 8.15 baje mynstep, u vice president un thung dieng ‘Ek Ped Maa Ke Naam’ ha Raj Bhavan, Shillong.
Katba ha ka por 10.15 baje mynstep, u vice president un leit jngoh ia ka krem Arwah, ka kshaid Nohkalikai bad kshaid hyniew ngut shipara (seven sister falls) ha Sohra shwa ban leit phai.
