U MLA ka South Shillong Constituency u Bah Sanbor Shullai hynne ka sngi ula lum ia ka jingialang ha Jhalupara Cantonment Area Community Hall, Shillong, na ka bynta ban jied ia ki 300 tylli ki longing kiba duk, ban ioh ia ka skhim Narendra Modi Prime Minister Housing Schemes 2024.
U Bah Sanbor Shullai uba long u Chairman ka Monitoring cum Implementation Committee jongka 19th South Shiilong Constituency ula pyntip ba ia katei ka jingialang la pynlong naka bynta ban ithuh bad ban jied ia ki 300 tylli ki longiing baduk kiba shong basah ha ki jaka jong ka Defence Land, na ka bynta ban ai jingiarap iaki ba kin shna pynbha bad maramot bad ba kin ai rong ia ka iing ka sem ka jongki kynthup ruh ia ka jingtei ia ki painkhana, jaka sum bad ki jaka leit pynjhieh jong ki kynthei bad shynrang ha ki 7 tylli ki Ward jong ka Cantonment Board.
Lyngba ka Narendra Modi Prime Minister Housing Schemes 2024 ki 300 tylli ki longiing baduk kiba shong basah hapoh jongka Shillong Cantonment Area jongka Defence Army land.
Ha katei ka jingialang ban jied ia ki nongioh jingmyntoi, la wan ban iashimbynta da ki nongialam shnong jong ka Jhalupara Village Council, Lower Paltan Bazar Village Council/ Paltan Bazar Village Council, ki President, ki Scretary bad ki dkhot jong ki kynhun sengbhalang bad ki nongialam jong ki Women Welfare Society bad ki nongmihkhmat na ka seng BJP na ki 7 tylli ki Ward jong ka Cantonment Defence Area.
Ia katei ka jingialang ka pyniaid da u Mohan Limbu, u Headman jongka Jhalupara Village Council bad ki nongkren ha ka jingialang kila ai ka jingiaroh ia ka jingtrei shitom jong u Bah Sanbor Shullai ha kaban wanrah ia ki kam pynroi bad ban pynioh ia ka jingkyrshan pisa ia ki longiing baduk.
