Ha ka jingpyrshang ban kyntiew ia ka jingpule ia ka saïan, ka Jawahar Navodaya Vidyalaya ha Mawphlang, East Khasi Hills, dang shen kala pynlong ia ki klas ba kyrpang kaba pynleit jingmut ha ka Biology bad ha ki lad ban kamai kaba kynthup ia ki jingiakren halor ki sap sengkam sengjam na ka bynta ki khynnah klas XII. Ïa kane ka jingïalang la ïalam da u Dr. Dinesh Bhatia u Associate Professor jong ka tnad Biomedical Engineering ka skulbah NEHU, hapoh jongka Vigyan Jyoti Programme Phase-V. Ka Vigyan Jyoti Programme kadei kaba la bei tyngka da ka Department of Science and Technology’s (DST) Kiran Division kaba don iaka jingthmu ban pynshlur ha ki jingmut jingpyrkhat jong ki khynnah kiba dang rit bad khamtam ki khynnah pule kiba dei ki kynthei, ba kin beh ïa ki kam kiba iadei bad ka science and technology. Ka ai ia ki khynnah pule kiba don ha ki jaka kiba jngai bad ha nongkyndong ia ka jingshai shaphang ki jingmut Science bad ki jingshemphang ba la leh da ki kti.
Ka North Eastern Hill University (NEHU) ka dei kaba la shah thung kum ka Knowledge Partner da ka DST na ka bynta kane ka prokram. Ka rukom ai jinghikai jong u Dr. Bhatia ia ki sobjek ban ngam jylliew bha, kala ktah bad wanrah iaka jingkylla ia ki khynnah skul jong ka Jawahar Navodaya Vidyalaya bad ula batai ia ki phang Biology kiba kongsan, ki lad kamai bapher bapher bad ki pynshlur ia ka jingpyrkhat kiba ngam jylliew hapdeng ki nongiashim bynta. Ia katei ka jinghikai la pynlong ha ka 28 bad 29 tarik u Naitung ha katei ka skul. U Rajesh Kumar Chaudhary, PGT (Physics) ha Jawahar Navodaya Vidyalaya, ula long kum u programme coordinator, kaba la pynsuk ia ka jingpyniaid beit iaid ryntih ia kine ki jingai jinghikai.
Ka Principal ka Jawahar Navodaya Vidyalaya Dr.Neelam Sharma kala pynpaw ia ka jingsngewnguh halor kane ka jingthmu, da kaba pynpaw ïa ka bynta ban pynriewspah ïa ka mariang pule puthi bad ban pynshlur ïa ka jingsngewtynnad jong ki samla pule ha ka liang ka Science bad kum kine ki jingiatreilang hapdeng ki jaka pule bad ki prokram sorkar ki long kiba kongsan bha ban ai jinghikai ia ki khynnah ha ki thaiñ nongkyndong jong ka ri India. Ka jingjop jong kine ki klas ka pyni ia ka jingtreikam jong ka Vigyan Jyoti Programme ha kaba pynroi ia ka nongrim jinghikai kaba skhem bad ban pynkupbor ia ki samla kynthei ha kylleng ka ri ban nang ban leh bha ha ka liang ka science and technology.
