Mad jingeh ki paidbah ka thain Mawsynram ba sniew ka surok

Ki paidbah Nongshong Shnong jong ka Shnong Mawsynram ha ryngkat lang ki paidbah napoh kiwei pat ki Shnong bapher bapher jong ka Block Mawsynram ba wan ban phah sumar pang shapoh ha CHC Mawsynram halor ka jingsuki pyntreikam ia ka Surok ba dei ban iaid manla ka sngi khamtam kaba la wanrah jingeh ia ki paidbah kiba dei ban leit phah sumar jingpang shapoh ka CHC lem bad ki khynnah skul pule ruh jumjuh. Kane ka Surok ka la long kawei napdeng ka lynti kaba ai jingshakri ia kiba bun ki paidbah kiba donkam haba leit shapoh ki Skul bapher bapher bad khamtam ia ki Nongpang haba ki leit phah sumar jingpang shapoh ka CHC Hospital kaba long ka jaka sumar jingpang na bynta ki Paidbah Nongshong shnong jong kiba bun ki Shnong hapoh ka tnaiñ Mawsynram Block kiba dei ban ioh ka jingshakri kaba bha lyngba katei ka CHC Hospital. Bun na ki paidbah khamtam kiba don hapdeng ka jingpang ynda haba kila pyrshang banleit shim dawai shapoh ka CHC Hospital kaba don hapoh ka Shnong Mawsynram ki la mat ia ka jingeh kaba jur haba iaid lynti da ki kjat ne wat ban iaid da kali ruh ymlait shuh. Katei ka jingeh kala wanrah ruh ia ki Khynnah Skul pule ba kim ioh thikna ban iaid lynti lyngba katei ka surok banleit shapoh ki Skul bad la shem ruh halor ka jingtorti ban pyntreikam ia ka Surok kaba la sah khongreng khlem da lah ban pynsted na ka bynta ka jingmyntoi ban ioh katkum ka jingdonkam jongki paidbah Nongshong Shnong.

Naduh kaba sdang ban pyntreikam ia katei ka Surok lyngba ki Contractor napoh ka tnad PWD Road lashem haduh kat mynta ki sngi ba ka long ka surok kaba la wanrah jingeh ia ki paidbah nongpang kiba dei ban rung shapoh ka CHC, bad kumjuh ruh halor ki Khynnah Skul ba pule shapoh Ki Skul kiba dei ban iaid lyngba katei ka surok ba kim iohlad. La iohi ba la pyntreikam sha baroh kylleng sawdong jongkatei ka surok kaba iaid napoh ka Shnong Mawsynram bad ka jingangnud jongki Paidbah Nongshong Shnong ba kin ioh ia ka Surok kaba bha, hynrei haba shem haduh kat mynta ki sngi la sakhi ba la pyntreikam suki kylleng sawdong ia katei ka Surok bad kaba la wanrah ia ka jingeh bad jingjynjar ia ki Paidbah Nongshong Shnong halor kiba bun ki liang kiba donkam bad lada dei ban iaid kali ruh lyngba katei ka surok ymlah shuh. Ynda haba iohi halor ka jingshna ia ka kynroh ban pynheh ia kane ka surok ka la wanrah ka jingpyntieng ia ki paidbah kiba dei ban iaid lynti lyngba katei ka surok kumba ka paw ba dang sahkut bad iai suki khlem da lah ban pynsted ia ka rukom treikam namar bnym don nongtrei kiba biang. Ka jingtrei kala suki bad ki paidbah ki kwah palat ba ka tnad PWD ka dei ban peit khambniah ban pynkloi bad kham pynsted ia ka jingtrei namar ka buh jingeh ia ki paidbah ha ka leit ka wan.

Kiba bun ki paidbah kim shym la poi pyrkhat haba phai sha ka jingpyntreikam ia kane ka Surok ba kanlong kaba suki bad ban wanrah jingeh syndet khamtam ia ki paidbah kiba dei ban leit phah sumar jingpang shapoh ka CHC Hospital. Pynban ynda haba iohi ia ka jinglong ba suki ban pyntreikam ia katei ka surok da kaba ymshym la don kano kano ka jingkitkhlieh ban pynkloi baroh kawei kat shaba phai ka laha ban shu long pynban tang ka jingpyrshang ban kit halade shimet tang ia ka spah ka phew jong u paidbah paidlang khlem da don kano kano ka jingpynbha wat tang khyndiat ruh em. Nakaliang jongngi kum ki paidbah Nongshong Shnong jongka thaiñ ymshym dei bala don kano kano ruh ka jingsngewpher lada dei ki politicians ne contractor ruh kumjuh, hynrei tang kawei kalong ba ngimkwah ban iohi ia ka jingpyrshang ban wanrah da kaba pyntreikam suki katba mon ha lade shimet khlem da pyrkhatlang ia ka jingdonkam ki paidbah Nongshong Snnong khamtam ha kaba iadei na bynta katei ka surok manla kapor.

Nakaliang jongki Paidbah Nongshnong Shnong jongka Shnong Mawsynram kila buh ka jingkyntu kaba jur ia ka Tnad PWD khamtam lyngba ki Contractor kiba shimti ban pyntrei ia ka kam ba kidei ban pynsted noh kloi katba lah ban pyntreikam na bynta ka jingdonkam jongki paidbah khamtam ha kaba iadei bad ka leit ka wan jongki Paidbah kiban ioh ka jingshakri pura lyngba ka CHC Hospital bad kumjuh ia ki khynnah skul kiba leit ban pule ruh kumjuh. Kane ka long katkum ka kyrwoh ba la phah da u Bah Banshai Marbaniang Nongshong Shnong Mawsynram