Maham ka DS Sanshong ban pynïap dusmon ïa ki dohum

Ka Dorbar shnong Sangshong haka 8 tarik u Iaiong 2024 kala maham tyngeh iaki paidbah kiba pyniap dusmon iaki dohum dohwah ha ka wah ia kaba la tip kum ka “Umbah Sangshong” da kaba ber da ki dawai kiba long bih.

Ka shnong kala iathuh ruh ba kane ka wah ka dei ka tyllong umbah umdih ia kiba bun ki shnong kiba hapoh ka thain Mairang bad ka jingpyniap dusmon iaki dohum ha kane ka wah da kaba ber da ki dawai ba long bih kan buh ruh iaki paidbah haka jingma.

Kum shibynta ban teh lakam shuh shuh iaka jingber dawai bih ha kane ka wah, u sordar ka shnong Sangshong u bah Ambrose Marwein ula maham ruh ba yn ym shah iaki paidbah ba kin leit tong doh ha kane ka wah haka por mynmiet bad lada lap ia kiba pynkhein ka shnong kan pynshitom iaki katkum ki don kyndon bala buh.