Ka Meghalaya kadei napdeng ki Jylla hapoh India ba jur tam ka jingpep skul noh shiteng por bad kane ka don jingiadei bad ka rukom treikam ki Nonghikai hapoh skul.Ia kane la ong da u Myntri ka tnat Pule Puthi u Rakkam A Sangma bad u la kubur ruh baka pule dangle hapoh ka Jylla khamtam hapoh ka kyrdang Lower Primary kam long kumba ka Sorkar ka khmih lynti. Ia kane u Rakkam u la jubab halor ka jingdawa ki Nonghikai SSA hapoh ka Jylla ban kyntiew tulop bad haka juh ka por ban
ithuh noh iaki kum ki Nonghikai ba pura.U Rakkam u pyntip ruh ba ki don bun ki skul khlem khynnah, ki don ki skul ha kaba wat ki Nonghikai ruh kim ju wan tista, ki don ki skul kiba bun daki Nonghikai iaki khynnah bad ki don ruh ki skul kiba khlem ki karma klas.
Haba kylli hato ki Nonghikai ki don hok ban dawa, watla ka pule dangle ka hiar bha hapoh ka Jylla u Rakkam u la ong “Ka jingdawa jong ki ka long kaba dei hynrei kum ki Nonghikai kidei ban shimkhia ban kyntiew iaka Pult Puthi hala ki skul ba ki hikai”. U Myntri ka tnat Pule Puthi u la ong “Ka SSA kadei ka Program jong ka Sorkar Pdeng bad nyngkong ka rukom siew tulop iaki Nonghikai ka long 90% naka Sorkar Pdeng bad 10% naka Sorkar Jylla hynrei mynta ka rukom siew tulop kala kylla 30:70 bad naduh u snem 2025 kan long 65:35” la ong u Rakkam.
U Rakkam u la pyntip baka Sorkar Pdeng man u snem ka khate 5% ka jingbei tyngka shaki Jylla naka bynta ban siew tulop iaki Nonghikai SSA.
