U Myntri ka tnat Tourism ka Sorkar Pdeng u Gajendra Singh Shekhawat u la pyntip baka Sorkar Pdeng haka jingialam u Myntri Rangbahduh ka Ri India u Narendra Modi kala phai khmat kyrpang shaka thain Shathei Lammihngi (North East) ban kyntiew aika kam jngohkai pyrthei. Haba kren sha ki lad pathai khubor u Gajendra Singh Shekhawat u la ong ba ka Sorkar Pdeng lyngba ka tnat Tourism Ministry kala pyntreikam da ka Swadesh Darshan Scheme naka bynta ban iarap pisa iaki Sorkar Jylla ban kyntiew ia ka kam jngohkai pyrthei. “Naduh u snem 2014-2015 bad 2018-2019, ka Sorkar Pdeng kala mang palat T.5000 klur naka bynta ban pyntreikam haduh 26 tylli ki Project bad napdeng kine 16 tylli ki Project kidei hapoh ka thain shathie lammihngi (North East)’ la ong u Gajendra Singh Shekhawat. U Gajendra Singh Shekhawat u la pyntip ruh baka Sorkar Pdeng lyngba ka Swadesh Darshan Scheme II, kala pynbna haduh 57 tylli ki jaka jngohkai thymmai ha kylleng ka Ri bad haduh mynta la sdang pyntrei haduh 33 tylli ki Project haka jinglut yn duna iaka T.715 klur.
“Ka tnat Ministry of Tourism ka Sorkar Pdeng ka la pynbna da ka Pilgrimage Rejuvenation, Spiritual Heritage Augmentation Drive lane ka Prasad Scheme bad lyngba kane ka skhim, ka Sorkar kala mang 46 tylli ki Prject ha ka jinglut kaba T.1624 klur” la ong. U Myntri ka Sorkar Pdeng u la pyntip ruh ba la bthah iaki Sorkar Jylla ban phah iaki jingtyrwa haba iadei bad ki jingthmu ban kyntiew iaki Spiritual Tourism, Culture and Heritage, Vibrant Village Programs bad Eco Tourism and Amrit Dharur Sides. Nalor kane u la pyntip baka tnat Expenditure Ministry of Finance, ka tnat Ministry of Tourism kala pyllait iaka Operational Guidelines naka bynta ban iarap kyrpang iaki Jylla lyngba ki song pisa.
“Ka tnat Ministry of Tourism kala pynbna ban pyntreikam daka ‘Dekho Apna Desh People’s Choice’ ban jied iaki jaka jngohkai ha kylleng ka Ri India bad kino kino ki jaka kiba shah jied kyrpang, ki ioh ki lad jingiarap ban kyntiew iaki jaka” u la bynrap. U la bynrap daka ong “U Myntri Rangbahduh ka Ri, u la pynbna sa kawei ak skhim kata ka ‘Chalo India Group for Global Campaign’, ‘Dekho Apna Desh Campaign’ ban kyntiew iaki kam jngohkai ha kylleng ka Ri India”.
