Ka Khasi Hills Autonomous District Council (KHADC) hynne ka sngi ka mynjur ia ka kaiphod (Report) jong ka Select Committee halor ka Khasi Hills Autonomous District (Constitution of District Councils) (Amendment) Rules 2024. Ia kine ki jingpynbeit thymmai ia ki Constituency bad ia ki jingdon ki Nongthep Vote la mynjur ha ka dorbar ba kyrpang ka KHADC ba la long mynta ka sngi Thongdieng. Lah ban kdew ba ka Delimitation Committee ka la aiti ia ka kaiphod sha ka KHADC, halor ka jingpynbeit thymmai ia ki MDC constituency bad na ka liang ka iing dorbar KHADC ka la phah biang ia kane ka kaiphod sha ka Select Committee kaba la shnong bishar ban pynbeit ha ka 20 bad 21 tarik Nailar bad la wanrah bad mynjur mynta ka sngi 23 tarik ha dorbar ba kyrpang. Ha shuwa kane u Nongialam ka Liangpyrshah u Bah Titosstarwell Chyne ula wanrah ia ka Amendment ban pynkylla, ban buh thik ia ki Rule baroh khnang ba ka iing dorbar kan pdiang noh ia ka jingpynbeit thymmai ia ki MDC constituency. Haba ia dei bad kane u Chairman ka KHADC u Bah Lamphrang Blah ula buh hakhmat ka Iing ia ka jingtyrwa u Nongialam ka Liangpyrshah bad ka Iing ruh ka la pdiang ia kane. Na ka liang u Deputy CEM ka KHADC u Bah Pynshngaiñ N Syiem, ula pynpaw ka jingkmen ba ka District Council ka la pyndep ia kane ka kam shwa ban kut ka por ba la pynjlan ia ka samoi treikam. U Bah PN Syiem ula pyntip ba ka KHADC kan phah noh mynta ka sngi ia kane ka jingpynkylla sha u Lat ka Jylla ban ioh ia ka jingmynjur. Ha ka jingpynbeit thymmai ia ki Constituency ki kynthup ia ka shnong Paham Sohbar ba hap ha Nongpoh Constituency la rah noh sha 1-Jirang Constituency, katba ia ka shnong Iewmawlong ba hap ha 2-Nongpoh Constituency la rah sha ka 4-Umsning Constituency. Ka shnong Lapalang bad Nongrah ba hap ha 6-Sohryngkham Constituency la rah sha 16-Nongthymmai Constituency, katba ka Mawkasiang, Mawdiangdiang, Mawlong, Seisiej, Lumkseh bad Lumdiengsai na ka 17-Laitumkhrah Constituency la rah sha ka 6-Sohryngkham Constituency. Katba ia ka Cleve Colony, Risa Colony bad Tripura Castle na Nongthymmai Constituency la rah sha 17-Laitumkhrah-Malki Constituency. Ka Nongrim Hills na 17-Laitumkhrah Constituency la rah sha ka 16-Nongthymmai Constituency.
Ka Umsawli, Lyngkien bad Mawsier ba hap hapoh ka 17-Laitumkhrah-Malki constituency la rah noh sha ka 18-Mawkhar-Pynthorumkhrah Constituency, katba ia ka Lumdorbar, Lumsohphoh, Mynsain bad Kynjatphutbol ba hap hapoh ka 17-Laitumkhrah-Malki Constituency la rah noh sha ka 15-Laban-Mawprem Constituency bad ia ka shnong Lumshngain ba hap hapoh 17-Laitumkhrah-Malki Constituency la rah sha ka 16-Nongthymmai Constituency. Ka Mawpat ba hap hapoh ka 20-Mawlai Constituency la rah sha ka 18-Mawkhar-Pynthorumkhrah Constituency. Ka Pomlakrai-Mawbynna, Umiew, Mawtharia, Liewlong, Pdengshnong bad Rngi Shyllong ba hap hapoh ka 8-Nongkrem Constituency la rah noh sha 14-Mylliem Constituency. Ia ka Nongrim Sadew, Umthlong, Mawkalum, Mawkriah East, Mawkriah West, Lumsohriew, Ladmawreng, Mawreng, Lyngkhwir bad Mawreng Mihngi na ka 14-Mylliem Constituency la rah noh sha 21- Mawphlang-Diengiei Constituency bad ka Laitryngwai ba hap hapoh ka 22-Nongspung-Sohiong Constituency la rah noh sha ka 21-Mawphlang-Diengiei Constituency.Ka shnong Laitniangtlong, Wahrisain, Laitmawsiang, Nongriwah, Sohpian, Mawkynroh, Marten, Wahsohlait bad Dewsaw ba hap hapoh ka 22-Nongspung-Sohiong Constituency la rah noh sha 21-Mawphlang- Diengiei Constituency. Ka Raibah, Nongthymmai Raidewsaw, Mawlongroh, Domshken Rum, Domshken bad Mawshaliah ba hap ha ka 12-Mawsynram Constituency la rah sha ka 26-Langrin Constituency. Ka Kseh Kohlong, Marngor, Laitkseh, Upper Laitkseh, Langlew, Mawkhan Pambeh, Mawkhan Wahkwang, Phyllut, Mawblei-Mawjnoin, Law Namlang, bad Nongdom Laitmilang ba hap hapoh ka 24-Pariong- Mawthadraishan Constituency la rah noh sha 27-Nongstoin Constituency.
Ia ka Nongriat, Nginiong bad Mawlum Nginiong ba hap hapoh ka 24-Pariong-Mawthadraishan Constituency la rah noh sha ka 28-Rambrai-Jyrngam Constituency bad ia ka Mawkohmah ba hap ha 27-Nongstoin Constituency la rah sha ka 28-Rambrai-Jyrngam Constituency. Ka Myniar, Myniar (B), Kriangrin, Siangra, Mawbyrngem, Patharkhnang, Rwiang, Mawruksoin, Thynri, Thiepjaphlang, Nongkyndang, Nongpdeng, Nongdiengkain, Nongrathaw bad Nongpdeng (J) ba hap hapoh 28-Rambrai-Jyrngam Constituency la rah sha ka 29- Mawshynrut Constituency. Katba ia ka Diskiang ba hap hapoh ka 28-Rambrai-Jyrngam Constituency la rah sha ka 27-Nongstoin Constituency. Ia ka Malang Khasi, Malangjoypur, Sildubi, Dilbot, Aberam, Dubakdrop, Nonghawei, Agreng, Amagoan, Malang Salbari, Gohanimara, Mawsmai, Mawkhar, Poriu, Jasyllar, Porskhen, Simanaguri, LumMawblei, Hadok, Langdongdai, Nongdubir, Porla (Nongtrai), Mawkuru, Mawkuru (B), Mawkuru(C), Pormawlein, Nongmisei, Porthyrnang, Nongkabur, Nongumkap bad Nonghawei ba hap ha ka 29-Mawshynrut Constituency la rah noh sha ka 28-Rambrai-Jyrngam Constituency. Ia ka Risiang, Mawlangriang, Mawkynjoin, Bri Lawnoh Nonglangsain, Nongkaniang, Kenlyngdoh, Pyndengmynraw, Mawpon bad Maweitksar ba hap hapoh ka 27-Nongstoin Constituency la rah noh sha ka 29- Mawshynrut Constituency.
