Mynjur ka kynhun Myntri da ka Power Policy thymmai ban pahuh bording

Ka Kynhun Myntri Sorkar Jylla ka la mynjur ia ka Power Policy ba thymmai na ka bynta ban kyntiew ia ka jinglah ka Jylla ban pynmih bording kham bun ha ki snem ban wan. Haba pyntip ia kane u Myntri ka tnat bording u A.T Mondal ula ong, ba kane ka jingwanrah da ka Power Policy ba thymmai ka dei ban plie ki lad lynti ia ki Company Sorkar Pdeng bad Sorkar Jylla, ki Company shimet ban wan shapoh ka Jylla ban tei ki jingtei ban pynmih bording.

U Mondal u la pyntip ha kane ka Power Policy thymmai, ka Sorkar Jylla ka la mynjur ban bsuh ia ki kyndon thymmai, kata ban plie lad ban pyntreikam ia ki project pynmih bording thymmai kum ka Pump Storage Project (PSP), ka Thermal Power, Solar bad Hydrogen.

“Ka Power Policy banyngkong ka wan ha u snem 2010, hadien 24 snem ka Jylla ka la ioh da ka Power Policy bathymmai bad ka thong jong kane ka Policy ka dei ban kyntiew ia ka jinglah ka Jylla ban pynmih bording kham bun ha ki snem ban wan” la ong u Mondal.