Mynjur ka sorkar ban pynkylla ia ka ‘Amendment’ ka MTIP bad ka Technical Service Rules, 2024

Ka kynhun Myntri Sorkar Jylla ka la mynjur ia ka Amendment jong ka Meghalaya Telecom Infrastructure Policy (MTIP).
Haba pyntip ia kane u Symbud Myntri Rangbah ka Jylla u Bah Prestone Tynsong ula ong ba kane ka Policy ka dei kaba la don naduh u snem 2018 bad ka Sorkar Jylla ka la hap ban wanrah ia ki katto katne ki jingkylla bad ki jingbynrap kiba iahap bad ka National Policy jong ka Sorkar India.
“Kumta, ka kynhun Myntri mynta ka sngi kala mynjur ia kane ka jingtyrwa ban pynkylla ia ki katto katne ki kyndon jong ka MTIP” la ong u Bah Prestone.
Nalor kane ka kynhun Myntri Myntri Sorkar kala ai jingmynjur ruh ia ka Meghalaya Forest Subordinate Technical Service Rules, 2024.