Ka kynhun Myntri Sorkar hynne ka sngi kala mynjur Meghalaya Private Medical Institution (Regulation of Admission, Fixation of Fees and Reservation) Ordinance, 2024 and ka Meghalaya Medical College Regulation and Admission pule MBBS Course, 2024. Ia kane la pyntip daka Myntri ka tnat ka koit ka khiah ka Kong Ampareen Lyngdoh hadien ba wai ka jingialang jong ka Kynhun Myntri kaba la pynlong ha Resubelpara North Garo Hills. Ka Kong Ampareen kala pyntip baka kynhun Myntri Sorkar kan kynduh biang ban thaw iaka Regulatory Committee.
Ka Ordinance kan treikam hadien bala ioh jingmynjur na u Lat ka Jylla bad hadien ba ai jingmynjur u Lat iaka Ordinance, ka USTM PA Sangma Medical College ruh kan lah ban sdang noh ia kane ka jaka pule Doctor” la pyntip ka Kong Ampareen. Iaka Regulatory Committee yn pynbna paidbah (Notified) bad haba iadei bad ka rukom siew bai pule Doctor, ban pyntreikam iaka Reservation Policy bad ka jingman Seat katkum ki kyndon ka Sorkar Jylla bad ka jingbthah ka Iingbishar.
Ia Ordinance la ai jingmynjur namar ka Medical College shimet ba nyngkongeh ka Jylla, kata ka PA Sangma International Medical College jong ka University of Science & Technology, Meghalaya (USTM), kan sa sdang noh ia ka jingshim Class naduh u snem 2024-2025.
