Mynta taiew yn rai ka Sorkar ia ka kam Chairperson ka MSCW

Ka tnat Social Welfare ka Sorkar Jylla kala shong ka jingialang ban iakren haba iadei bad ki sienjam ban shim naka bynta ban thung Chairperson jong ka Meghalaya State Commission for Women (MSCW).
Haba pyntip halor kane u Myntri ka tnat Social Welfare u Bah Paul Lyngdoh ula iathuh ba nalor ki 4 tylli ki kyrteng bala ai jingmut daka Search Committee, ka tnat kala ioh pdiang biang sa 2 tylli ki kyrteng kiba kwah ban shah thung kum ka Chairperson ka MSCW.
U bah Paul ula iathuh ba ka tarik kaba khatduh ban pdiang iaki kyrteng kala kut namar kata ka tnat kan sa shim rai hapoh kane ka taiew.
“Nalor ki 4 tylli ki kyrteng bala phah daka Search Committee, ka tnat kala ioh pdiang sa 2 tylli ki kyrteng bad namar ka tarik ban pdiang iaki kyrteng kala kut. Ka Sorkar kan shim noh hapoh kane ka taiew, haba iadei bad ka jingthung Chairperson jong ka MSCW” la ong u Bah Paul.
U Bah Paul ula ong ba ka jingpdiang ka tnat iaki kyrteng kiba la phah shaka tnat nalor ki kyrteng bala phah daka Search Committee kadei naka bynta ban plie lad ia kiwei ruh ban thep Application, lada ki ibit ialade ban shah thung kum ka Chairperson.