Na ki 50 tylli ki ‘Cold Storage’ ki treikam 44 tylli

Ka Myntri ka tnad ka rep ka riang ka sorkar jylla ka kong Ampareen Lyngdoh ka la pyntip ba ki don 50 tylli ki Cold Storage ha ka jylla. Ka Myntri ka rep ka riang ka la ong ba napdeng kine ki 50 tylli ki Cold Storage, 44 tylli ki dei kiba dang treikam katba 2 tylli ki dei ki bym treikam shuh kynthup kawei ha Iew Dielang, Mawiong bad kawei ha Garaboda, Garo Hills bad don ki Cold Storage ba dang shu buh ym pat lah pyntreikam.

Haba jubab ia ka jingkylli ba la wanrah da ka Miani D Shira ka MLA ka Ampati, ka Myntri ka la pyntip ba ha East Khasi Hills don 8 tylli, West Khasi Hills 3 tylli, Eastern West Khasi Hills 1, South West Khasi Hills 1, Ri Bhoi 8 tylli, West Jaintia Hills 7 tylli, East Jaintia Hills 3 tylli, East Garo Hills 5 tylli, West Garo hills 5 tylli, North Garo Hills 6 tylli, South West Garo hills 2 tylli, South Garo Hills kawei.

Ka la ong ba ki don haduh 11,908 ngut ki nongrep kiba la ioh jingiarap ban buh ia ki mar rep jong ki ha ki Cold Storage. Ka kong Ampareen ka la ong ba ha u 2008 ka Board ka la aiwai ia ka Cold Storage ha Garobada sha ki ar tylli ki kynhun shimet, ha u 2010 ruh ka la aiwai biang hynrei ki la sangeh noh da kaba ai daw ba tlot ka bording bad bun ki mar rep ki sniew.