U Bah Process T Sawkmie u la pynpaw ba ki 20 snem kum u nongmihkhmat u la shakri ia ka Mawlai Konstitwensi kum u kpa trai, ia kaba u sngewthuh bha ia ka jingeh ki paidbah, kiba duk ba suk, kiba sngewsih bad bun kiwei ki kam jong ki paidbah babun balang. Ia kane u bah Sawkmie u la pynpaw ha ka jingialang jong ka jingiakynduh jong u ia ka dorbar shnong Umrynjah ha iing shnong ha ka sngi Saitjain ka 02 tarik u Naiwieng, 2024. U la pynpaw ia ka jingsngewkhia ba ki paidbah ka thain ki la mad jingeh bha ha kine ki sngi, ba ka Mawlai ka la hiar pynban ha ka jaka ba kan kiew, katba shaba phai ki paidbah ki ud ki nam, khamtam kiba pang shitom, ki samla kim ioh pynlong shuh ia ki football tournament kumba ki ju pynlong bad bun kiwei pat.
U pynpaw ruh ba un iai bteng ban shakri ia ki paidbah, watla um long eiei shuh. U bah Sawkmie ha kane ka sngi u la kner ruh ia la ki kti ban ai jingiarap ia ka dorbar shnong Umrynjah da ka song pisa na ka bynta ka jingdonkam jong ki.Ha kane ka jingialang la ioh ruh ia ka jingkren na ka liang ka dorbar shnong ba la kren da u bah PR Thabah, ka President Seng Longkmie ka kong KH Thongni, na u President Seng Samla bah R. Lyngdoh, na u assistant secretary ka Umrynjah Sports Club u samla R.
Nongdhar kiba la pynpaw ia ki jingeh bad ki jingdonkam jong ki sha u bah Sawkmie. Ia ka jingialang ha kane ka sngi la pyniaid da u secretary shnong bah Leading Kharshiing.
