Noh synniang u MLA ia ka DS Mawroh ban thied kali kitnuit

Ha ka jingpyrshang jong ka Ka Dorbar Shnong Mawroh, Nongpoh ban wan rah ïa ka khuid ka suba hapoh ka Shnong kathaw kaba long kawei naki mat kiba kongsan, ki Nongialam jong ka Dorbar Shnong Mawroh ki la ïoh ban pdiang ïa ka pisa kaba la aiti da u Bah Mayralborn Syiem MLA ka Nongpoh ban kyrshan ïa ka dorbar Shnong ha ka ban thied ïa ka Kali ka ban kit ïa ki ñiut kaba mih napoh ka Shnong bad ban leit theh pat sha ki jaka kiba la buh.
Ha kane ka sngi la U MLA ka Nongpoh u la aiti daka Cheque sha ki Nongialam Shnong hakaba u la pynbna ruh ba un dang wat ki lad ban bteng ïaka jingiarap haki sngi ki ban wan. Hakaba la sakhi lang ïa kane da ka jingiadon u MDC ka Nongpoh, bah Balajied Ranee, Rangbah Shnong Mawroh bah Opel Lyngdoh, ki dkhot jong ka committee Shnong, Seng Longkmie lem bad ki khun Samla jong ka Shnong.
Haba kren na ka liang u MLA u la pynpaw iaka jingiaroh iaka dorbar Shnong Mawroh kaba la shim khia iaka khuid ka suba kum kawei naki mat kiba kongsan eh hapoh ka Shnong. U la ong ruh, ka jingleh khuid leh suba ka long kawei naki kam kiba ma ngi kum ki nongshong Shnong ngi dei ban pynmlien. U la ong ruh, ka jingleh khuid barabor kadei ban sdang shwa na la ïing hynrei ngim dei pat ban klet ba ngi pynkhuid ruh ïaka Shnong ka thaw.