Palat 2.62 klur ki briew la eksamin jingpang TB, 10 lak la phah sha ki jaka sumar

Hapoh ka Viksit Bharat Sankalp Yatra kaba dang iaid mynta, ka jingwan iashim bynta ki briew ka la kot sha ka 5,19,35,933 ha 1,99,199 tylli ki Health camp ba la pynlong ha ki Gram Panchayat bad ki jaka treikam jong ki bor pyniaid jaka sor haduh mynta.
Kine ki dei ki kam ba pynlong ha ki Health Camp: Ka Ayushman Bharat – Pradhan Mantri Jan Arogya Yojana (AB-PMJAY): Hapoh kane ka skhim ba kyrpang jong ka Tnat ka Koit ka Khiah na ka bynta ka Viksit Bharat Sankalp Yatra, la shna ia ki Ayushman card da kaba pyndonkam ia ka Ayushman app bad la sam ia kine ki card sha kito kiba dei ban ioh jingmyntoi. Haduh mynta, la sam 48,96,774 tylli ki card.
La shna 4,51,492 tylli ki Ayushman card ha ki health camp ba la pynlong hynnin ka sngi. Lada niew lang ia baroh, la shna 2,61,11,405 tylli ki card haduh mynta.
Tuberculosis (TB): Ka jingeksamin ban lap ia ki nongpang TB ka dei kaba dang pynlong mynta da kaba peit ia ki dak jingpang, ka kyrkhah bad da kaba pyndonkam ia ki kot NAAT ha ki jaka ba don kine ki kor. Ia ki briew ba suba ba lah ban don jingpang TB la phah sha ki jaka ai jingsumar ba kham halor. Ha kaba kut ka sngi ba 65, la dep screen ia palat 2,62,05,700 ngut ki briew bad na kine, 9,93,800 ngut ki briew ki dei kiba la phah sha ki jaka ai jingsumar ba kham halor.
Hapoh ka Pradhan Mantri TB Mukt Bharat Abhiyan (PMTBMA), la shim jingbit na ki briew kiba don jingpang TB ba kin ioh jingiarap na ki Nikshay Mitra. Ki nongsynran kiba kwah ban long ki Nikshay Mitra ki dei kiba la kyntiew kyrteng mardor. Palat 3,62,700 ngut ki nongpang ki la ai jingbit hapoh ka PMTBMBA bad la kyntiew kyrteng ia 99,100 ngut ki Nikshay Mitra ba thymmai.
Hapoh ka Nikshay Poshan Yojana (NPY), la ai jingiarap pisa ia ki nongpang TB lyngba ka Direct Benefit Transfer. Na ka bynta kane, la lum ia ki jingtip shaphang ki bank account jong ki briew ba dei ban ioh jingmyntoi bad dang pyniasoh Aadhaar ia kine. La lum jingtip jong 69,300 ngut ki briew kiba dei ban ioh jingmyntoi.
Ka jingpang Sickle Cell: Ha ki jaka ba bun ki riewlum, ka jingeksamin ia ki briew (kiba haduh 40 snem ka rta) ka dei kaba dang leh ban lap ia ka jingpang Sickle Cell lyngba ki Point of Care (PoC) test na ka bynta kane ka jingpang lane lyngba ka Solubility Test. Ia kito ki briew kiba la lap ba ki don ka jingpang Sickle Cell la phah sha ki jaka ai jingsumar ba kham halor. La dep screen ia palat 31,34,600 ngut ki briew haduh mynta bad na kine 60,900 ki dei kiba la lap ba don kane ka jingpang bad la phah ia ki sha ki jaka ai jingsumar ba kham halor.
Ki jingpang bym iabit (NCD): Ka dang don ka jingeksamin ia ki briew kiba palat 30 snem ka rta na ka bynta ka Jingpang Hypertension bad Jingpang Shini bad ia kito kiba la suba ban don kine ki jingpang la phah sha ki jaka ai jingsumar ba kham halor. La dep screen kumba 4,25,76,600 ngut ki briew na ka bynta kine ki jingpang. La lap palat 16,44,900 ngut ki briew ba suba ba lah ban don ka jingpang hypertension bad palat 11,74,700 ngut ki briew ba suba ba lah ban don jingpang shini bad 25,50,700 ngut ki briew ki dei kiba la phah sha ki jaka ai jingsumar ba kham halor.
Ka Nongrim: Ia ka Viksit Bharat Sankalp Yatra la plie da u Myntri Rangbah duh ha ka 15 tarik Naiwieng na Khunti, Jharkhand ban pynpoi pura ia ki jingmyntoi jong ki skhim ka sorkar pdeng ha kylleng ka ri. Kum shi bynta ki jingai jingshakri kiba mardor hapoh ka Viksit Bharat Sankalp Yatra, la pynlong ia ki health camp ha ki jaka ba sangeh ki kali IEC Van ha ki Gram Panchayat.