Palat 22 lak ngut ki nongthep Vote ha Meghalaya, bun ki kynthei

Haka sngi khatduh jong ka jingthep Application kaba long haka 27 tarik Lber 2024, ki don haduh 22,26,567 ngut ki nongthep Vote hapoh Meghalaya. Haba pyntip ia kane, u Chief Electoral Officer (CEO) u Dr BDR Tiwari u ula pyntip ba napdeng ki 22,26,567 ngut ki nongthep, ki shynrang ki don 10,99, 517, ki kynthei ki don 11,27,047, ki Service Voters ki don 3884-service bad 3 ngut ki Trans voters. U CEO ula pyntip baka tnat kan ialeh katba lah ban pynshlur iaki paidbah ban wan shim bynta ban thep Vote khamtam iaki samla kiba dang ioh thep Vote haka sien ba nyngkong.

“Haki ilekshon, ka don ka jingduna kiba wan shim bynta ban thep Vote haki jaka Sor bad napdeng ki samla bad naka liang ka tnat kala shim khia halor kane daka ba pyntreikam daki rukom bapher naduh ki Booth Level ban khring iaki nongthep Vote” ula ong. U BDR Tiwari ula pyntip ruh baka tnat kala iatreilang bad ki Dorbar Shnong, ki jaka pule bad kiwei ki kynhun treikam mon sngewbha bad kiwei kiwei ki lad, kumno ban khring iaki paidbah ban wan shim bynta haka jingthep Vote.

“Lyngba ka jingpyntreikam iaka Turnout Implementation Plan (TIP) ba ha bun rukom, ka tnat ka kyrmen skhem ba mynta ka kynti, ka jingwan shim bynta ki nongthep Vote kan kham kiew lada nujor bad kiwei ki ilekshon ha ki snem bala dep” ula ong.