lak mang ka sorkar ban tei ‘Emergency Fire Service’ ha Mawryngkneng

U Symbud Myntri Rangbah ka jylla uba dei ruh u Myntri ba khmih ia ka tnad Kam Pohiing u bah Prestone Tynsong u la pyntip ha Iing Dorbar Thawain ka jylla ba ka sorkar ka la mang T.51 lak tam na bynta ban tei ia ka Emergency Fire Service ha Mawryngkneng. U bah Prestone haba jubab ia ka jingkylli ba la wanrah da u MLA ka VPP na Mawryngkneng u bah Heavingstone Kharpran, u la ong ba ka jingslem ban tei ia ka Emergency Fire Service ha Mawryngkneng kadei namar bym pat ioh jaka ban tei hynrei mynta ka kam ka dang shakhmat ka jingpynkhreh.

U Symbud Myntri Rangbah u bah Prestone, u la ong “La mang T.51,84,790  lak ban tei ia ka Emergency Fire Service ha Mawryngkneng bad ka jingheh jong ka jaka ka long 2357.34 sq meter.” U la ong ba ia kam ban pyntrei yn sa sdang shaid shaid mar ia ioh ia ka jaka.

U MLA ka Gambegre u Saleng A Sangma, uba la buh jingkylli bynrap, nalor ka bai jaka, la ka don ne em ka jingiateh kular ban ai kam ai jam ia ki trai jaka. Haba jubab halor kane, u bah Prestone u la ong ba kam shym la don kum kata ka jingiateh kular ban ai kam ia jam ia ki trai jaka.