Ka 77th Cannes Film Festival, ka jingrakhe kaba heh tam ha ka kam shna phlim ka la sdang mynta la ar sngi lyngba ka prokram kaba heh ha kaba la don ka jingiasohlang jong ki kam shna phlim bad ki jingiphuh iphieng.
U Secretary ka tnat Information and Broadcasting Sanjay Jaju u la pyniaid ia ka Bharat Parva kaba nyngkong duh ha kane ka janmiet jong ka jingrakhe ia ka deiriti, ka rukom pynkhreh bam ki rukom shna tiar jong ka India ha ryngkat ki kam shna phlim jong ka India ha ka French Riviera ha kane ka Cannes Film Festival ba dang long mynta.
Kane ka prokram ba la pynlong da ka NFDC ha ka jingiatreilang bad ka FICCI hapoh ka tnat Information and Broadcasting jong ka Sorkar India ka la long kaba jop ha kaba ki delegate Cannes ki la iapbieit ia ki jingpyni bad ki jait bam ba la pyni ha kane ka janmiet.
Ia ki poster na ka bynta ka 55th IFFI bad ka‘save the date’ poster jong ka bynta jingplie ia ka World Audio Visual Entertainment Summit (WAVES) ka Global Entertainment and Media Summit, kaba la pynkhreh ha ka 55th IFFI ha Goa, la pyllait da u Jajuha ka jingialang ryngkat bad ki nongshna phlim u Ashok Amritraj, Richie Mehta, u nongrwaiba pawnam u Shaan, u actor RajpalYadav, u Bobby Bediubapawnam ha ki kam phlim, bad kiwei kiwei.
U Nongshet ba pawnamVarunTotlani u la wan poi ban khmih kyrpang ia ka bam na ka bynta ka Bharat Parv kaba la pyni ia ka jinglong kyrpang ki briew ka ri ha ka jingpdiang sngewbha bad ka jingsbunmynsiem.
Ha ka por janmiet la sakhi ia ka nongrwaiSunanda Sharma kaba la rwai ia ki jingrwai Punjabi ba sngewtynnad ryngkat bad kiwei kiwei ki nongrwai ba kynthup ia ka Pragati, u Arjun bad u khun jong u Shaan u Maahi. Kane ka prokram ka la kut ha kaba ki nongrwai ki la rwaiia ka jingrwaiMaaTujhe Salaam ha kaba ki la ioh ka jingiaroh na ki paidbah.
Ka jingdon ryngkat ki nongshah khot sngewbha ba kyrpang ha ka Bharat Parv ka la nang khring shuh shuh bad pyni ia ka jinglong kongsan jong kane ka jingialang. Ka Actress ShobhitaDhulipala, kaba pawnam namar ka jingtbit jong ka, ka Actress na Assam ka Amie Baruah, kaba pawnam ha ki kam phlim ha Assam, ka film critic Anupama Chopra, ki long napdeng kiwei kiwei kiba la iadonlang ha kane ka jingialang. Ka jingiashim bynta jong ki ka pyni ia ka jingriewspah ki kam shna phlim ha India bad ka jingkiew ruh ha ki rynsan shabar ri.
