Phah ka Man City ia ki dkhot sha Qatar ban  peit thuh ia u Ghareeb ka Al-Nassar

Katkum ki tyllong khubor, la iathuh ba ka Manchester City ka la phah ia la ki jong ki dkhot ban leit peit u wing kynsai ka Al-Nassr, u Abdulrahman Ghareeb uba mih madan mynta ha kane ka AFC Asian C La khmih lynti ba utei u wing ba dang 26 snem ka rta un mih madan ia la ka ri, ka Saudi Arabia ha ka jingiakhun Round-16 pyrshah ia ka South Korea.

Ka Saudi ka wan hakhliehduh na ka Group F da 7 point bad tam ar point ia ka Thailand kaba don ha ka kyrdan kaba ar.Ha ka jingiakhun pyrshah ia ka Oman dangshen, u  Ghareeb u la thep ia ka kol pyniakhaid bad kane ka plielad ia ka Saudi ban jop da 2-1. U Ghareeb u la mih madan 21 sien ia ka Saudi Arabia bad thep arkol.

Ha ka Saudi Pro League, u Ghareeb u la thep shikol na ki 18 sien mih madan ia ka Al-Nassar kynthup san tylli ki assist. Ka City ka donkam ia u wing kynsai ban mih bujli ia u Riyad Mahrez bad kumjuh ban long kyrshan ia u Jack Grealish bad Jeremy Doku.