Plie paidbah u Anurag Singh Thakur ia ka jaka pynmih khubor ba thymmai jong ka DD News Assam

U Myntri Sorkar Pdeng ba dei khmih ia ka Tnat Information & Broadcasting bad  Youth Affairs & Sports, Anurag Singh Thakur u la pliepaidbah ia ka jaka pynmih khubor ha Doordarshan Kendra ha nongbah Guwahati mynta ka sngi. Kane ka jaka pynmih khubor ba thymmai kadei kaba la biang lut ki jingdonkam katkum ka juk mynta ka ban kyntiew ia ka jingbha jong ki prokram ai khubor ha DD News Assam bad kyntiew ia ka por ba pyni ia ki prokram ai khubor ha ki por ban wan.

Ha ka jingai jingkren ha ka jingialang, u Myntri u la ong ba ka jingkyntiew ia ki kam ha ka jaka pynmih ia ki khubor kan plié lad ia ka channel ba kan ai ka jingtip kaba biang ha ka por kaba biang sha ki briew ha ka thain. U la bynrap ba ka sorkar ba mynta ka phaikhmat kyrpang sha ka Act East Policy. U Myntri Rangbah duh Narendra Modi u shim ia ka thain kum ka Ashtalakshmi bad ban jur na ka bynta ka roi ka par jong ka thain shateilammihngi ba kalong kaba kongsan tam.

U Myntri u la pynlong jingialang peit bniah bad ki heh ophisar jong ka PrasarBharati, Press Information Bureau bad Central Bureau of Communication, bad ki ophisar ki la ai jingtip ia u shaphang ki kam ba la sdang da ki kynhun jong ki mynta u snem . Hashuwa kane, u Myntri u la leitjngoh ia ka Maa Kamakhya Temple. U la don baroh shi sngi ha ka nongbah ban iashim bynta ha ka jingialang plie ia ka bynta ba 4 jong ka Khelo India University Games ha Sarusajai stadium.