U Myntri Rangbah ka Jylla u Conrad K Sangma hynne ma sngi u la plie ia ka Art Auditorium ha Block-E jong ka Royal Global University, Assam. Ha kane ka sngi la don lang u Ashok Kumar Pansari, u Chancellor, ki nonghikai, ki nongtrei bad samla pule ka skulbah. Haba kren ha kane ka sngi, u Conrad u la ong ba u dei uba ngeit skhem ha ka roi ka par, haka pule puthi bad ban kyntiew bad ban tei iaki jingdon jingem kum hapoh ka Royal Global University.
U Conrad ua pynksan shuh shuh ia ka jingwad bniah bad jingpynroi ka ban wanrah ia ka jingpynthymmai, kane ka jingwad ia ki lad ki lynti na ka bynta kiba bun ki jingeh kiba ka thain ka iakynduh bad khatduh eh ka Ri bad ka pyrthei baroh kawei.”Ka la dei ka por ba ngi kum ka thain ngin kiew sha naki jingeh bad ban long kiba kongsan ha kiba bun ki bynta ha ka ri bad ka pyrthei teb bad ban ym don shuh ia ka jingmut jingpyrkhat kum ki nongshah lehbein.
Ngi dei ban noh synniang da kaba bha sha ka jingbha jong ka imlang sahlang bad nga ngeit ba ki samla ki long kiba kongsan sha kane ka jingkylla” la ong u Conrad. Iaka prokram la pynkut lyngba ka jingiakren hapdeng u Conrad bad ki samla pule jong ka kolej.
