Ka 1/07/24 kaba dei ka sngi ba ar jong ki “Soo Sngi Le Iaw” ka shad Behdeiñkhlam ka Seiñraij Jowai naduh dang step la pyndep ia ka lehniam Kñia Aitnar ha ïing Langdoh ba la pynlut pynsep da u Dolloi ka Elaka Jowai halor ka hukum ka niam bad ki Phra Dong lane Kmai Raij. Nangta ha ka por 11 baje baroh ki dong ki shnong ne Kmai Raij kila iakynduhlang ha Myngkoi Pyrdi shwa ba kin leit wad la ki jong ki jong ki Deiñkhlam naki jaka bapher bapher.
Bad ha ka por 3 baje nohphai sngi baroh ki Kmai Raij kila pynpoi iaki Deiñkhlam haki jaka pynshongthait ba don ha Iawmusiang, ha kane ka por la iohi ruh iaki riewkynthei naduh ki longkmie ki samla bad khynnah kila ia mih hakhmat ka iew ka syiem ha ryngkat ka jingiphuh iphieng ka riam ka beit ban sakhi iaka jingpynpoi Deiñkhlam ha Iawmusiang.
Hadien kane ki Kmai Raij kila leit shaw iaki Khon Raij naka jaka pynshongthait iaka Khnong Blai bad leit buh ia ka Khnong Blai ha Loomsooiung. Bad na kane ka jaka kila ia mih leitphai lang na kajuh ka lynti. Haba ia dei bad ka jingpyndep niam jong hynne ka sngi ba ar ka shad Behdeiñkhlam la ioh ban iakren bad u Dolloi ka Elaka Jowai u Puramon Kynjing uba dei ruh u khlieh jongka jingpyndep niam.
