Ka jingthmu ka kynhun ki runar ban lute ia ka State Bank of India ha Umiam da kaba phrongtuh na jingkhnang iit ka la pulom noh haba kim shym la lah ban plie ia ka synduk thep pisa. Ka khubor ba la ioh ka iathuh kitei ki runar ki la leit prongtuh ha katei ka bank hynnin ka sngi U Blei por shiteng miet, da kaba ot ia ki nar rot ka jingkhang iit bad ki la rung shapoh ban ioh tuh pisa bad ia ki jingdon jingem hapoh kane ka Bank, hynrei kim shym la lah ban plie ia ka synduk buh pisa.
Ki nongtrei ka SBI haba ki la leit plie ia ka ophis treikam jong ka Bank ki la shem ba ka la don ka jingjulor bad ka jingot ia ki nar jingkhang iit bad mar mar ki la pyntip sha ki pulit jong ka Umiam Police Station ba kin wan ban tohkit halor kane ka jingjia. La iathuh ki runar ki la pyrshang ban kyndang ia ka jaka buh pisa hynrei kim shym lah ban plie, bad ka jingthmu ban ioh khung pisa na katei ka bank ka la pulom noh bad ki hap ban mih thylli.
Ki pulit mar ia ioh jingtip ki la leit sha katei ka jaka ban pynlong ia ka jingtohkit bad ka jingthwet ia ki runar ba donkti ka dang iaid shakhmat.
