Ban pynkup burom ia ka ri India, kawei na ki kompany ba peit ia ki kam telecom ka Vi ka la pyllait paidbah ia ka sienjam kaba kyrpang, ‘Artisans of India’. Kane ka sienjam ba kyrpang ka long ban pynkup burom ia ki sap ki phong ba tbit jong ki nongshna ia ki tiar shna da ka kti ha ka ri, kaba long ka jingitynnad kaba don ha kylleng ki bynta jon gka ri. Ka Vi kaiarap ban ai ia ka rynsan sha ki 60 ngut tam ki nong shna ia ki tiar ki tar da ka kti ban buh ia ki tiar jong ki ha ki 60 tylli ki dukan jong ka ha bun ki tylli ki jylla.
Ki dukan jong ka Vi ha Maharashtra, Tamil Nadu, Uttarakhand, Uttar Pradesh, Kerala, West Bengal, New Delhi, Karnataka, Punjab, Andhra Pradesh, Telangana bad Gujarat ryngkat ka jingaitreilang bad ki seng trei mon sngewbha jong kitei ki jylla ban pyni pyrthei ia kine ki jingshna sha ki paidbah. Kine ki nongshna jingshna, ki la shna ia bun jait ki tiar ki tar ba shna da ka kti kiba iahap katkum ka riti dustur, ki la pyni pyrthei ia ki pla ba rah ha kti ba lah airong, ki jingsuh chikankari, ki jingdraw jingpeiñ, ki jinglehkai, ki jingbuh kai bad ter ter.
Ki katto katne ki seng treimon sngewbha ki la iatehlok bad ka Vi na ka bynta kane ka sienjam ba kynthup ia ka Universal Smile, ka ESSCENT, ka Astha Foundation’s Parivartan School for Specially-Abled Children, ka Shwwas Samiti-Swastik Handicraft Women Welfare Association, ka Disha Shakti Swayam Sahayta Samooh, bad ka RAFEC. Kane ka pyni ia ka jingtrei kyrpang jong ka Vi ban nang ai mynsiem ia ki nongshong shnong jong ka ri bad ban nang pynneh ia ki riti dustur ba riewspah jong ka ri India lyngba kine ki jingshna. Ka Vi ka ïaineh ban trei na ka bynta ban kyntiew ia ki nongshna jingshna da ka kit kiba la noh synniang shibun ba kyntiew ia ka ri.
