Kum ka dak ka jingsdang jong ki aiom lehkmen, ka Toyota Kirloskar Motor mynta ka sngi ka sngi ka la pynbna ia ka jingpynmih jong ka ‘Festival Limited Edition’ jong ka Toyota Glanza. Ki nongthied mynta ki lah ban ioh ia ki Toyota Genuine Accesories (TGA) Package, kiba la shna khnang ban nang pynsngewtynnad ia ka rukom ñiah kali da kaba nang kham kyntiew shuh shuh ha ka liang ka jingitynnad jong ka kali, ka rukom treikam, bad ka jingsuk jong ka Toyota Glanza hakane ka aiom leh kmen. Ba lah ioh nam na ka bynta ki technology thymmai jong ki, ki jingpynwan dur ba I kyntiak, bad ka jingbam umphñiang kaba khyndiat, naduh 2019, ka sienpynmih ba kyrpang jong ka Toyota ka Toyota Glanza ka wan bad 13 tylli kiTGA Package, kiba shong dor 20,567 tyngka. Kane ka kali ka don ia ki jingpyndait kiba thaba bad kiba bha ne kita ki premium chrome bad ki jingkah na sha kynriang jong ka kali kiba rong iong, ka don ruh ia ka chrome ba phyrnai ha ka jingkhang ba nadien, bad ia ka ORVM chrome ba phyrnai. Shuh shuh ruh ka don ia ki jingsiang madan 3D, ka don ia ki lite ba thaba ne visor na jingkhang, bad ki cushion ba shan na ryndang (kiba wan ha ka rong ïong bad rupa) ban pynaram ia ka rukom shong kali. Lah nang pynitynnad shuh shuh ia ka jinglong jong ka Toyota Glanza da ki chrome ha ki bumper, ki fender, bad ka reflector ba nadien, bad ki lait jingkhang.
Haba kren shaphang ka jingpyndon ia kane ka ‘Festival Limited Edition’ jong ka ‘Toyota Glanza’,U Sabari Manohar – Vice President, Sales-Service-Used Car Business, Toyota Kirloskar Motor, u ong, “Ka jingthmu jong ngi ka long ban wan rah shuh shuh ia ka jingkmen sha ki nongthied jong ngi ha kane ka aiom lehkmen da kaba wanrah ia ka ‘Festival Limited Edition’ jong ka Toyota Glanza. Ka Glanza ka dei ka kali kaba ju ioh ia ka jingiaroh na ka daw jong ka dur ka dar jong ka ba ka long kum ka kali sport, namar ka jingdon jong ki jingpyndiat kiba katkum kane ka juk mynta, bad ka jinglah ban treikam bha, bad kumta da ka jingpynmih ia kine ki kali kiba tang khyndiat, ngi la nang pyniphuh shuh shuh ia ka jingpaw jong ka. Ngi la ia pyntikna ba ki tiar kiba ngi pyndonkam, ym tang ba ki shu pynitynnad ia ka dur ka dar jong ka Glanza, hynrei ba kin nang kham pynsuk bad pynaram, bad pynlong ia kane ka kali kba biang bha na ka bynta ki nongthied kiba kwah ia ka kali kaba bha bad kaba suk ban niah. Ngi long kiba la kut jingmut ban ai tang kiba bha kata ym tang ia ki tiar, kaba la nang pynshkem shuh shuh ia ka jingthmu jong ngi ban ai ki jingshakri haduh hadien ba la thied ia ka kali ruh kumjuh kumba lah ju leh hi da ka Toyota. Ngi ngeit ba kane ka Festive Edition kan ia dei bha bad ki nongthied jong ngi, da kaba tyrwa ia ki da ki lad ban lehkmen ha ka jingitynnad lem bad ka rukom treikam jong ka model ba ñiewkor tam jong ka Toyota.”
Kum ka kali hatchback ba ioh kot tam jong ka Toyota, ka Glanza ka la long ka kali kaba bun na ki iing ki sem ha India ki sngewtynnad. Ha ki snem ba la leit, la pynbha ia ka na ka por sha ka por khnang ba kan long katkum ka jingkwah jong ki nongthied kiba donkam ia ki bor treikam teknology, bad la pynlong ruh ia ka ba kan dei kawei na ki kali kaba sngewtynnad ban niah bad ha kajuh ka por kaba biang nadong shadong. Mynta da ka ‘Festival Limited Edition’ kaba treikam ia baroh ki jait kali, lah nang kyntiew shuh shuh ia ka jingsngewtynnad jong ka kali da ka jingdon jong ka jingitynnad bad ka jingsuk ban pyndonkam. Kum shibynta jong ka ‘Festival Limited Edition’ ki TGA Package na bynta ki nongthied kiba jied ia ka Toyota Glanza Festival Limited Edition kin don haduh ka 31 tarik u Risaw 2024. Shuh shuh man iwei pa iwei I tiar yn pyndait da ki nongtrei Toyota ha man ki jaka die. Ka Festival Limited Edition ka ai ruh ia ki warranty, ki TGA Package, bad ki jingmyntoi kiba ka Toyota ka ai hadien ba lah dep thied ia ki kali, baroh kiba la thaw ban pynbiang ia ki jindonkam jong ki nongthied. Kiba kwah ki lah ban book na baroh ki jaka die kali Toyota. Lah ruh ban book online ha ka https://www.toyotabharat.com/online-booking/ ne leit sha ka jaka die Toyota ba hajan ong phi
