Pynbna ka Toyota Kirloskar Motor ia ki lad treikam ban pynsuk ha ka jingpynpoi ia ki kali thymmai ne ka ‘awesome new car delivery solution

Ha ka jingiohi jngai kaba khraw ban saindur ia ka lawei ban wan ha ka liang ki kali. Ka Toyota Kirloskar Motor Pvt. Ltd. (TKM) ka la pyllait paidbah ia ka jingtreikam kaba long ruh kum ka jingprat lynti ia kaba la tip kum ka “Awesome New Car Delivery Solution,” kaban nang pynsuk bad pynbha shuh shuh ia ka juk ba mynta bad wanrah ia ka jingiaineh ha ki karkhana shna kali. Kane a sienjam treikam ka pyni ia ka jingtreikam ba bha jong ka TKM kaba pyrshang ban wanrah ia ki sienjam treikam kiba phai khmat sha ki nongthied, kaba wanraah ka jingkylla ha ka jingiaid lynti jogn ki briew na ka bynta ban ioh ia ki kali ba thymmai. Da kaba wanrah ia ki kor ki bor teknology kiba katkum ka juk ba mynta bad ia ki riew shemphang ha kane ka kam, ka TKM ka thmu ban wanrah ka jingkylla ha ka rukom thied kali. 

Kane ka sienjam treikam ba la tip kum ka “Awesome New Car Delivery Solution” ka long ka jingkynriah noh na ka rukom thied kali kaba ju leh ha ka por mynshwa, da kaba wanrah ia ka rukom pynpoi ia ki kali ha ka rukom kaba thymmai bad pyntikna ba kan ym don kano kano ka jingthut ha ka jingpynpoi ia ki kali na ki jaka ba la buh shaduh sha iing jong ki nongthied. Da ka jingpyndonkam ia ki kali kit ba la tip kum ki flatbed carrier ba la shna katkum ka juk ba mynta bad ka jingiatreilang bad kito kiba iadei bad ka jingpynkit kali, ka TKM ka pyntikna ba ka jingpynpoi ia ki kali kan long kaba shngain abd kaba biang, da kaba peit ruh ia ka jinglong jong ka mariang bad pyntikna ba ki nongthied kin ioh ia ka jingsngewhun mynsiem. 

Sabari Manohar, Vice President jong ka Sales-Service-Used Car Business ha Toyota Kirloskar Motor, u la pynpaw ba kane ka sienjam ka wanrah ka jingkylla, da kaba ong, “Ka jingtreikam ba radbah jong ngi ban saindur ia ka lawei ka long kaba skhem. Ka jingwanrah ia kane ka sienjam treikam thymmai ha kaba iadei bad ka rukom pynpoi ia ki kali kata ka ‘Awesome New Car Delivery Solution’ ka pyni ia ki lad ki lynti ban pynlong ia ngi ba ngin sngewthuh shaphang ka jingiohi jngai jong ngi ha kaba iadei bad ka jingianeh bad ka jingphai khmat jong ngi sha ki nongthied ha kaba iadei bad ki kali.”