Pyni ka Toyota ia bun tylli ki kali ha ka Bharat Mobility Global Expo

Ka Toyota Kirloskar Motor (TKM) ka la sei madan bad pyni paidbah ia ki tiar ki tar bad ki kor ki bor teknology ka juk mynta ki bym ktah ia ka mariang, bad ka jingshim ia ki sienjam treikam katkum ki kyndon treikam kane ka ri ha ka Bharat Mobility Global Expo 2024.

Ka jingpyninam ha kane ka rynsan ka long kaba la pyniahap bad ka mat pdeng jong ka jingpyninam kata ‘Grow India – Grow with India’, kaba pyni ia ka jingtrei ba radbah jong ka kompany ban pynurlong ia ki thong ba ha khmat jong ka ri kum ka, ‘Atma Nirbhar Bharat’, ‘Energy Security’ ne ka jingpynbit pynbiang ia ka bording, bad ‘Carbon Neutrality’ ne ka jingpynduna ia ka carbon lyngba ka ‘Multiple Pathway Approach’ ne ki lad bapher bapher khnang ba yn lah ban ioh ia ka lawei kaba iaineh bad kaba phyrnai.

Ka kompany ka la pyni ia ka jinglah jong ka ban shna ia ki kali ia kaba la pyninam kum ka Innova HyCross, Mirai, HyCross Electrified Flex Fuel Vehicle, HyryderCNG, Hilux Emergency Response Vehicles, TNGA Engine, bad E-drive.U Tadashi Asazuma, Deputy Managing Director – Sales-Service-Used Car, Toyota Kirloskar Motor & Lexus u ong, “Ha ka Toyota Kirloskar Motor, ka jingiashim bynta jong ka Bharat Mobility Global Expo 2024 ka long palat ban ia kaba ki pyni ia ki kali jong ki, hynrei ka long ruh ka jingpynbna ia ka jingtrei ba radbah jong ki ban wanrah ia ka jingpynneh pynsah bad ha kajuh ka por ka phai khmat bha ruh sha ka lawei jong ki nongthied ha India. Ka jingpyninam ia ki kali bapher bapher ha kane ka rynsan ka long ka jingaiti lut jing ngi na ka bynta ban pynmih ia ki kali kiba ym ktah ia ka mariang bad kiba iahap bad ki nongthied bad wanrah ia ka lawei kaba iaineh.”