Pyniasoh u CEM barim ka GHADC bad ka kynhun sha ka NPP

U Vice President ka BJP bad CEM barim ka GHADC u Dipul Marak, ula mih noh na ka BJP bad leit phai biang sha ka NPP hynne ka sngi Balang. Kum ban pynpaw ha ka 28 tarik Naiwieng u snem ba la dep ula iasoh ba ka BJP. Hynrei ula mih noh na ka BJP hadien ka party ka la rai ban kyrshan ia ki kyrtong ka NPP ha Meghalaya, kata ia ka kong Ampareen bad ka Agatha Sangma.

U ne u nongialam ka BJP ula ong, kaei ka jingiapher haba ka party ka iatreilang bad ka NPP ha ka ilekshon Lok Sabha. U National President ka NPP ba long u Myntri Rangbah ka jylla u Conrad Sangma ula pdiang sngewbha ia u Marak ha ka jingialang ialap ilekshon ha Gopinatkilla ha South West Garo Hills mynta ka sngi Balang.

“Ha kane ka jingialang, ngi pdiang sngewbha ia u CEM barim ka GHADC bad nongialam ka BJP u Dipul Marak bad ka kynhun jong u sha ka party jong ngi. Ka jingwan iasoh jong u ryngkat ka kynhun kan pynkhlain ia ngi ha ka ilekshon Lok Sabha kaba dang iaid mynta”, la ong Conrad.