U Symbud Myntri Rangbah ka jylla u bah Prestone Tynsong u la ong, ba ka sorkar ka dang pynkhreh ban shna jingkieng iaid kali narum ka jingkieng dam shipor, khnang ban lah ki kali heh ban iaid, hadien ba la khang ban iaid na jingkieng dam.
Haba kren mynta ka sngi sha ki lad pathai khubor, u bah Prestone ula ong ba ula bthah ia ki engineer ban leh ia ka jingthew jingwoh ban shna jingkieng shipor khnang ban iaid ki kali heh ban jam sha Shillong kat bym pat lah ban shna ia kaba neh slem, namar hadien ba la khang ban iaid ki kali kiba heh na ka jingsynjor ka jingkieng dam.
Symbud Myntri Rangbah ula ong ba ka sorkar kala phah thew phah woh ruh ban shna surok na Dam ban iaid sha Industrial estate ban mih sha Mawlai ban lait na ka jingkieng dam tangba kane ka kam, kan kham shimpor namar ba kan hap ban iakren ia ki jaka bad kiwei ki jingdonkam.
