Pynkhuid ki nongtrei ka Water Resource ïa ki wah rit ha Nongpoh

Kum shibynta ka jingrakhe ïaka International Water Conclave kaba dei ruh halor ka phang ka jingkordor ban tyngkai ïa ki wah bad ruh ban pynneh pynsah ïaka, Naka liang ka tnad treikam jong ka sorkar ka Ophis Jong u Executive Engineer (WR) Ribhoi Division Nongpoh, ha ka  7 tarik Rymphang ka la ïoh ban pynlong ïaka jingpynkhuid ïaka Wah Rit kaba don ha ka shnong Ïew-Mawlong Nongpoh. Ïa katei ka jingiapynkhuid ia katei ka wah rit kaba don haka shnong Ïew-Mawlong la wan ban ïa shibynta lang da u bah K Lyngdoh, Executive Engineer Water Resources Department, Bah JC Binan Sub Divisional Ophisar Water Resources Department, Ribhoi, Bah Rangbah Shnong Ïew-Mawlong, Ki Nongtrei jong ka Water Resources Department, Nongpoh, lem bad kiwei kiwei ki riew Rangbah naka shnong Ïew-Mawlong.

Na ka liang ka Ophis jong u Executive engineer Water Resource, ki la iathuh ba katei ka jingiamih ban shim bynta lang ha katei ka jingia pynkhuid ïaki wah ka dei halor ka phang ban pynneh pynsah ïaki wah ba la ai daka mariang bad ruh ban saphriang ïaka khubor halor ka jinglong kordor jong ka wah bad ngi donkam ban pynneh pynsah ïaka.

Kane ka jingpynlong jong ka Ophis u Executive engineer Water Resource, Ribhoi Divisional, Nongpoh ban pynkhuid ïa katei ka wah la dei ruh kum shi bynta ban snohkti lang haka jingrakhe ïaka International Water Conclave jong une u snem ka ban sa long haka 9 bad 10 tarik Rymphang ha nongbah Shillong.