Ka Amazon.in ka la pyllait ia ki ar jait ki sienjam treikam kiban iarap ban btin lynti ia kiba la tip kum ka: Creator University bad Creator Connect. La saindur ia kine ki prokram na ka bynta ban wanrah jingkylla ia ka jingim jong ki influencer bad kito kiba kwah ban long ki nongseng kam lajong, da kaba wanrah ka jingtyrwa ban pynioh ia shibun ki jinghikai bad ka lad ka lynti ba kin iohlad ban pyniar ia ka kam jong ki hapoh jong ka Amazon.
Ka Creator University ka long kum kawei na ki rynsan kaba skhem na ka bynta ban ai ia ki jinghikai, da kaba ai ia ki lad ki lynti sha kito kiba shna ia ki content ne ki video ia ki jingdonkam ba ki donkam bad kumjuh ruh ia ka jingtip khnang ba kin ioh jingjop lha ka rynsan jong ka Amazon. Lyngba ki jinghikai kiba biang ba bit ba kynthup ruh ka jingpyni ia ki video kiban ai jinghikai ia ki, ki jingthoh, ki jingia phylliew jingmut, bad ka jingpule ia ki jingthoh kiba iadei bad kane ka bynta ia kaba la thoh lyngba ka jingwad bniah, ki nongiashim bynta kin ioh ia shibun ki jingtip ba bniah kumno ba kin lah ban jied tiar ki tar, ban shna ia ki video, bad kumno ban khring shibun ki nongpeit.
Ban nang bynrap shuh shuh ia ka kam jong ka Creator University kadei ka Creator Connect, kaba long ka bynta treikam kaba wanrah ia shibun ki lympung kiba thmu ban wanrah ia ka jingiatreilang bad ka jingiakyntiew para ba ia leh ia kajuh ka kam. Ka jingplie ia kane ka lympung, “A Summer Escape,” ka la long ha sien ba nyngkong ha Mumbai, kaba iatyngkhuh ruh bad ka Amazon Fashion’s Wardrobe Refresh Sale. Kane ka jingiakynduh lang ka long kum ka shlem ban ioh ia ki lympung iaphylliew jingmu, ka jingiakren ia ki phang bapher bapher, bad ka jingiakynduh ia kiwei pat ki briew kiba trei ha ki karkhana bapher bapher bad kumjuh ruh ia ki nongtrei ka Amazon. Ha ka Amazon, ngi sngewthuh ia ka bynta ba kongsan ba la leh da kito kiba shna ia ki video jong ki ne ki content creator ban khring ia ki rukom pyrkhat ki nongthied. Ka Creator University bad Creator Connect ka pyni ia ka jingtrei ba radbah jong ki ban pynkup bor ia ki creator da ki shlem jingtip ba ki donkam ban kiew ha ka jingim jong ki,” ia kane la ong da U Kishore Thota, Director of Shopping Experience, India & Emerging Markets, Amazon.
