Ka Hill Crest Higher Secondary School Rynjah ha ka 10 tarik Jylliew 2024, ka la ioh ban pynkup burom da ka khusnam ‘Dr. Lurstep Laurie Cunville Memorial Achievement Award’ sha ki khynnah pule ba la pass bha ha ka eksam SSLC kaba dang shu dep pynbna shen ia ka result bad kumjuh ia ki nonghikai kiba la don bynta ban kyntiew ia ki khynnah pule jong kane ka skul ban ioh ia ka distinction kynthup ia ka health education kaba ki la ioh 100 na ka 100.
Ha kane ka sngi, la wan ban don lang u bah McDonald Marbaniang uba dei u Joint Director ka MBOSE, ka Kong E.C Pariat kaba dei ka Adviser ka skul, u Bah Eddie War uba dei u rangbah shnong ka shnong Rynjah, u Bah A.L. Monte Pariat uba dei u principal bad kiba shah khot sngewbha.
Ki khynnah kiba ioh pdiang ia ka khusnam ha kane ka sngi ki long ka Uma Rani Naorem kaba ioh ia ka kyrdan 16th position, ka Y Sonali Devi ba ioh ia ka kyrdan 18th position bad ka Eshratara Begum ba ioh ia ka kyrdan 20th position.
Nalor ki khynnah skul, ki nonghikai ruh ki la shah pynkup burom na ka bynta ka jinglah jong ki ban kyntiew ia ka kam hikai bad ban pynpoi ia ki khynnah pule sha ka kyrdan kaba shalor.
Ki nonghikai kiba shah pynkup burom ki kynthup ka miss Gracia Lyngdoh Tron ba hikai ia ka Health Education, Chemistry bad Science, u Sir B.B Shaw ba hikai ia ka Mathematic bad ka miss Papori Bordaloi kaba dei ka Vice Principal.
