Ka Seng Samla Mawlai Pyllun mynta ka sngi ka la pynkup burom ia ka samla Bahun Nongrum kaba la ioh phong ia ka pansngiat Meghalaya Miss Universe 2024. U President ka Seng Samla Mawlai Pyllun u bah Samuel Biam ula pynpaw ia ka jingsngew sarong ia ka jingjop ka samla Bahun ia kane ka nam bad ka dei ka burom ym tang ia ka Mawlai hynrei ka jylla baroh kawei.
Ha kajuh ka por u bah Samuel ula pynpaw ia ka jingsngewsih namar ba ka sorkar jylla bad kiwei kiwei ki kynhun kim shym la ai lem ia ka jingkyrshan ia ka samla Bahun ba kan leit mihkhmat sha ka Miss Universe India. U la ong ruh ba wat ka tnad jngohkai ka jylla ruh ka khlem ai
kano kano ka jingkyrshan ia kane ka samla na kane ka jylla, kaban leit mihkhmat sha ka rynsan ka ri bad lada ka jop kan leit shaduh ka pyrthei. Ha kane ka sngi la synran lang ruh kiwei ki nongkitkam ka seng samla Mawlai Pyllun kynthup u Organising secretary u bah Edwigh Eddie Majaw nalor kiwei de.
