U President ka Ri Bangladesh u Mohammed Shahabuddin ula pynkut noh ia ka iing dorbar parliament ka ri Bangladesh ban plie lad ban thaw sorkar ban synshar shipor hadien ba ka Sheiken Hasina ka hiar shuki kum ka myntri Rangbahduh hynnin ka sngi.
Ki samla pule ba pyrshah ia ka sorkar na ka jingshah thombor ki la dawa ban pynduh noh ia ka sorkar hapoh ka por 3 jabe janmiet, lym kumta ki samla pule ba pyrshah ia ka jingleh donbor ka sorkar kin pynbna ia ka por ba pyrkhing.
Kham shwa hynne ka step, u Nahid Islam uba dei u nongialam ka kynhun ban iakhih pyrshah ia ka sorkar ula phah khubor lyngba ka Facebook da ka video. La synran lang ia u da ki para coordinator u Asif Mahmud bad u Abu Bakar Majumder, ong ka khubor.
