Ki shipai iada khappud Border Security Force (BSF) bad ki Border Guard Bangladesh (BGB) ki la pynlong ia ka Sector Commander level Coordination Meeting hajan Barsora Land Customs station ha Bangladesh. Ia kane ka jingailang la pynlong kum shi bynta ban nang pynkhlain ia ka jingiadei jong ki arliang mamla, ban pynthikna ia ka jingiatreilang kaba kham bha, bad ban weng ia ki jingeh bapher bapher kiba iadei bad u pud u sam ka Ri India. Ia kynhun shipai BSF la ialam da u Sh Manoj Kumar Barnwal u DIG ka Sector HQ BSF Shillong katba u Md.
Ha kane ka jingïakynduh ki nongïalam BSF India bad BGB Bangladesh, la ïakren halor ki kam bapher bapher kiba ïadei bad u pud u sam kum ban thaw daka Co-ordinated Border Management Plan. Ha kane ka jingialang, ki BSF bad BGB ki la pynpaw ïa ka jingsngewkmen ïa ki jingïakren kiba don jingmut bad kiba ïajan, kiba pynpaw ïa ka jingïadei paralok bad kila kular ban pynroi ia ka jinglong jingman ha khappud bad wanrah iaka jingshngain.
Ia ka jingialang ka la pynkut da ka jingmut kaba bha ha kaba baroh arliang mamla ki la mynjur ban pynlong ia ki jingialang pyniadei man ka por ban pynthikna ia ka jingiatreilang.
