Ka Agricultural and Processed Food Products Export Development Authority (APEDA) ha ryngkat ka tnad kam rep ka jylla ki la pynlong ka jingialang ba shisngi jong ka Bharat Agri Conclave cum International Buyer-Seller Meet hynne ka sngi 6 tarik Naitung, 2024.Ka thong ba hakhmat eh jong kane ka jingïalang ka long ban kyntiew ïa ki mar rep (agri-horti) ha ka thaiñ shatei lammihngi (NER), khamtam ha Meghalaya. Ïa kane ka jingïalang la plie da ka Dr. Mazel Ampareen Lyngdoh ka Myntri ka tnad ka rep ka riang ka Sorkar jylla ha jingdonlang u Dr. Vijay Kumar D, IAS, Commissioner and Secretary ka tnad Agriculture and Farmers’ Welfare Department ka jylla bad u Abhishek Dev, IAS, Chairman ka APEDA bad kiwei ki ophisar na ka APEDA, ki ophisar sorkar pdeng bad kumjuh na sorkar jylla ban pynkmen nongrep kiba ioh jingmyntoi myntoi hapdeng ki nongthied bad ki nongdie. Ka Dr. Ampareen Lyngdoh ha ka jingkren ka la pynpaw ïa ka jingsngewnguh ïa ka APEDA na ka bynta ki jingthmu jong ka ban kyntiew ïa ka rep ka riang jong ka jylla Meghalaya da kaba ong, “Ka ai jingkyrmen ba khraw ïa ngi.” Ka la ban jur ia ka jinglah jong ka jylla ban ai bad noh synniang ia ki mar rep sha ka iew ka hat hapoh ka ri bad ha ka pyrthei.
U Dr. Vijay Kumar, Commissioner bad u Secretary ka tnad rep bad ka bha ka miat jong ki nongrep ka jylla ula iathuh ka jingjop banyngkong ka jingshalan ia ki mar rep na Meghalaya ïa u soh Khasi Mandarin (GI) bad u sohtrun sha ka Middle East. U la ong ka jingthmu jong ka sorkar jylla ban pynheh shuh shuh ia kum kine ki jingthmu jong ka jingshalan ia ki mar rep na ka ri sha ki iew ka pyrthei ban kyntiew ia ka ioh ka kot jong ki nongrep.Katba u Abhishek Dev, Chairman ka APEDA haba ai jingkren ula ban jur halor ka jinglah ban shalan mar rep na ka jylla Meghalaya shabar ri. U la pynpaw ïa ki jingthmu bapher bapher ban kumno ban shalang ïa ki mar rep na ka jylla sha kiwei ki jylla bad shabar ri bad kumjuh ruh ban pynsuk ïa ka rukom ai jingbit ïa ki mar rep bad ula bynrap shuh shuh ba ka APEDA ka pynsted ïa ka jingai jingbit ïa kiwei pat ki kynhun ban iaid trei, khamtam na ka thaiñ shatei lam mihngi, na ka bynta ka jingmyntoi jong ki nongrep ka thaiñ. Ka Buyer Seller Meet ba la pynlong kyrpang ha Meghalaya ka la ai lad ia ki nongpynmih mar rep na jylla Meghalaya ban pyni ia ki mar jong ki sha ki nongthied sha ka pyrthei bad napoh ri. Ki nongthied na ki 12 tylli ki ri kata, Uganda, Ghana, Indonesia, Greece, Kuwait, Oman, Vietnam, Nepal, Bangladesh, Singapore, Kenya, bad United Arab Emirates ki la ïashim bynta shitrhem bad ïakren bad ki nongshalan mar rep shabar ri ha ka Bharat Agri Conclave cum International Buyer- Seller meet ha Shillong, Meghalaya.
Palat 41 ngut ki nongshalan mar shabar ri ha kylleng ka ri bad 106 ngut ki FPO/FPC, ki Corporative Societies bad kiwei ki kynhun pynmih mar rep na ka jylla ki la iashim bynta. Ha kane ka jingïalang la ïoh ïa ka jingpyninam ïa ki jait mar rep kiba bun jait, kiba kynthup ïa ki soh bad ki jhur ba rep khlem ai dawai, ki jingbam, ki soh kum u Sohtrun, u synrai Lakadong, ka umngap bad kiwei kiwei. Kane ka jingïalang ka thmu ban pynïasoh ïa ki nongpynmih mar rep ka jylla bad ki nongthied na India bad nabar ruh bad la khmih lynti ba kan pyniar ia ka ka jingshalan mar shabar ri jong ka NER, da kaba pynkiew ia ka ioh ka kot ki nongrep bad pynsted ia ka jingroi baroh kawei ha ka thain. Ban pynpaw pyrthei ïa ka jingthmu jong ka NER, ka APEDA ha une u snem mang tyngka kan pynlong shuh shuh ïa kum kine ki jingïalang ha Arunachal Pradesh, Sikkim, Assam bad ha Bodoland Territorial Council (BTC).
Ka Agricultural and Processed Food Products Export Development Authority (APEDA) ha ryngkat ka tnad kam rep ka jylla ki la pynlong ka jingialang ba shisngi jong ka Bharat Agri Conclave cum International Buyer-Seller Meet hynne ka sngi 6 tarik Naitung, 2024.Ka thong ba hakhmat eh jong kane ka jingïalang ka long ban kyntiew ïa ki mar rep (agri-horti) ha ka thaiñ shatei lammihngi (NER), khamtam ha Meghalaya. Ïa kane ka jingïalang la plie da ka Dr. Mazel Ampareen Lyngdoh ka Myntri ka tnad ka rep ka riang ka Sorkar jylla ha jingdonlang u Dr. Vijay Kumar D, IAS, Commissioner and Secretary ka tnad Agriculture and Farmers’ Welfare Department ka jylla bad u Abhishek Dev, IAS, Chairman ka APEDA bad kiwei ki ophisar na ka APEDA, ki ophisar sorkar pdeng bad kumjuh na sorkar jylla ban pynkmen nongrep kiba ioh jingmyntoi myntoi hapdeng ki nongthied bad ki nongdie. Ka Dr. Ampareen Lyngdoh ha ka jingkren ka la pynpaw ïa ka jingsngewnguh ïa ka APEDA na ka bynta ki jingthmu jong ka ban kyntiew ïa ka rep ka riang jong ka jylla Meghalaya da kaba ong, “Ka ai jingkyrmen ba khraw ïa ngi.” Ka la ban jur ia ka jinglah jong ka jylla ban ai bad noh synniang ia ki mar rep sha ka iew ka hat hapoh ka ri bad ha ka pyrthei.
U Dr. Vijay Kumar, Commissioner bad u Secretary ka tnad rep bad ka bha ka miat jong ki nongrep ka jylla ula iathuh ka jingjop banyngkong ka jingshalan ia ki mar rep na Meghalaya ïa u soh Khasi Mandarin (GI) bad u sohtrun sha ka Middle East. U la ong ka jingthmu jong ka sorkar jylla ban pynheh shuh shuh ia kum kine ki jingthmu jong ka jingshalan ia ki mar rep na ka ri sha ki iew ka pyrthei ban kyntiew ia ka ioh ka kot jong ki nongrep.Katba u Abhishek Dev, Chairman ka APEDA haba ai jingkren ula ban jur halor ka jinglah ban shalan mar rep na ka jylla Meghalaya shabar ri. U la pynpaw ïa ki jingthmu bapher bapher ban kumno ban shalang ïa ki mar rep na ka jylla sha kiwei ki jylla bad shabar ri bad kumjuh ruh ban pynsuk ïa ka rukom ai jingbit ïa ki mar rep bad ula bynrap shuh shuh ba ka APEDA ka pynsted ïa ka jingai jingbit ïa kiwei pat ki kynhun ban iaid trei, khamtam na ka thaiñ shatei lam mihngi, na ka bynta ka jingmyntoi jong ki nongrep ka thaiñ. Ka Buyer Seller Meet ba la pynlong kyrpang ha Meghalaya ka la ai lad ia ki nongpynmih mar rep na jylla Meghalaya ban pyni ia ki mar jong ki sha ki nongthied sha ka pyrthei bad napoh ri. Ki nongthied na ki 12 tylli ki ri kata, Uganda, Ghana, Indonesia, Greece, Kuwait, Oman, Vietnam, Nepal, Bangladesh, Singapore, Kenya, bad United Arab Emirates ki la ïashim bynta shitrhem bad ïakren bad ki nongshalan mar rep shabar ri ha ka Bharat Agri Conclave cum International Buyer- Seller meet ha Shillong, Meghalaya.
Palat 41 ngut ki nongshalan mar shabar ri ha kylleng ka ri bad 106 ngut ki FPO/FPC, ki Corporative Societies bad kiwei ki kynhun pynmih mar rep na ka jylla ki la iashim bynta. Ha kane ka jingïalang la ïoh ïa ka jingpyninam ïa ki jait mar rep kiba bun jait, kiba kynthup ïa ki soh bad ki jhur ba rep khlem ai dawai, ki jingbam, ki soh kum u Sohtrun, u synrai Lakadong, ka umngap bad kiwei kiwei. Kane ka jingïalang ka thmu ban pynïasoh ïa ki nongpynmih mar rep ka jylla bad ki nongthied na India bad nabar ruh bad la khmih lynti ba kan pyniar ia ka ka jingshalan mar shabar ri jong ka NER, da kaba pynkiew ia ka ioh ka kot ki nongrep bad pynsted ia ka jingroi baroh kawei ha ka thain. Ban pynpaw pyrthei ïa ka jingthmu jong ka NER, ka APEDA ha une u snem mang tyngka kan pynlong shuh shuh ïa kum kine ki jingïalang ha Arunachal Pradesh, Sikkim, Assam bad ha Bodoland Territorial Council (BTC).
