Ka telecom operator ba pawkhmat ha ka ri, ka Vi ka lapynbna ba Kan sdang noh ia ka eSports tournament kaba nyngkong kaba la tip Kum ka ‘Vi Game to Fame’. La buh ban pynlong ia kane ka tournament naduh ka 1 tarik Risaw, 2024, bad ka jignthmu halor kane, ka long ban ailem ia ka kabuksiar ia baroh ki nongialam Game ha India ba kin lah ban sei ia la ka sap ka phong bad ban ioh pyni sap wat ha ki rynsan shabar ri.
Nalor ba ka India ka dei kaba hakhmat duh ha ka iew ialehkai Game, ka nohsynniang ruh haduh kumba 20% ha ka jing download ia ki mobile game ha p bad kane ka plie lad ia ka Vi ban sdang noh ia ka sienjam kaba nyngkong. Ki nongshim bynta kin hap aireng ha ka game ba pawnam kaba la tip Kum ka Call of Duty: Mobile, bad ia ka final yn pynlong ha India ha ka jaka kaba la tip Kum ka India Mobile Congress (IMC) 2024, kaba dei ruh ka tech fest kaba hehtam ha dewbah Asia naduh ka 15-18 tarik mynta u bnai Risaw.
Ia kane ka tournament yn pynlong ha ka hybrid format, ha kaba ka online qualifier yn shim ia ki team kiba iohrung top ban rung sha ka final. Ka khusnam kan long da kaba ioh leit sha nongbah Paris ban ioh sakh ia ka shlem ka Team Vitality, kaba de ka eSports organization kaba hehtam ha dewbah Europe.
