Pynlong workshop ka Prasar Bharati halor ka deiriti ka sur kren bad kynnoh ia ki kyntien

Ki workshop halor ka Deiriti jong ka sur kren bad ka jingkynnoh ia ki kyntien ki dei kiba dang pynlong ha ka Akashvani Jowai bad Akashvani Shillong na ka bynta kito kiba pynmih ia ki prokram ha ka ktien Jaintia & Khasi ha ka Akashvani bad Doordarshan. Ka workshop ba la pynlong ha ka Akashvani Jowai na ka bynta ka ktien Jaintia, ka la long ha ka 20 tarik u Lber, 2024 bad ka workshop na ka bynta ka ktien Khasi kan long ha Akashvani Shillong ha ka 21 bad 22 tarik u Lber, 2024. Ia kine ki workshop la pynlong da ka National Academy of Broadcasting & Multimedia, Delhi, ka jaka ai jinghikai ba halor tam jong ka Prasar Bharati, ka nongai khubor paidbah jong ka India ha ka jingiatreilang bad ka Regional Academy of Broadcasting & Multimedia, Shillong, ban ai jinghikai ia ki nongpynmih ia ki khubor jong ka Akashvani & Doordarshan ha ka ktien kaba ki ai jingkren khnang ban kyntiew ia ka jingseisoh jong kane ka jingai khubor lyngba ka jingpyndonkam, ka jingkynnoh, ka jingthoh bad ka jingpynsawa ia ki ktien ha ka rukom kaba dei.Ka Akashvanika dang bteng ban long ka jaka pdeng jong ki jingai jingkren bad ki jingthoh jong kane ka ri jong ngi.

Ki riewpawkhmat na ka rilum Jaintia kum uBah Rupaia Lamaruba la shongthait kum u Principal jong ka CWSM College, Baghmaraha Garo Hills, Dr. Waisa Sumer, Assistant Lecturer ha ka Jowai Government Girls’ Higher Secondary School bad uWansalan E Dhar, Secretary, Khasi Authors’Society, West Jaintia Hills District Branchki la iashim bynta kum ki riewshemphang ha ka ktien ka thylliej ha kane ka workshop ba la pynlong halor ka ktien Jaintia. Ha ka workshop halor ka ktien Khasi yn wan iashim bynta da ka Padmashree Kong Patricia Mukhim, Editor, The Shillong Times, Padmashree Dr. Badaplin War, riewshemphang ha ka ktien ka thylliej,Prof.  Streamlet Dkhar, Head of Khasi Department, NEHU, Dr. T. K. Bamon,     VC, Martin Luther Christian University& Director barim jong ka EFLU, Shillong ha ryngkat uBah Arkin Pariat bad kaR.

K. D. Budon, ki Programme Officer ba la shongthait jong ka Akashvani Shillong bad Basilica Nongpluh, Senior Announcer jong ka Akashvani Shillong. U Dr. Dipendra Kumar Mazumder, nonghikai na ka National Academy of Broadcasting & Multimedia, Delhi, & Jangkholal Gangte, Head of Programme jong ka RABM, Shillong ki iashim bynta ha baroh ar tylli kine ki workshop ha ryngkat u Head of Programme ka Akashvani Shillong & Jowai, North Eastern Service bad Dordarshan Shillong.