Pynlong Youth Conference ka Lady Keane College

Ka Students’ Cell jong ka Lady Keane College ha ka sngi Hatmajai ka 18 tarik u Lber, 2024 ka la pynlong ia ka Youth Conference halor ka phang “Positive Youth Development”, kaba dei ka prokram kaba hap hapoh ka Chief Minister’s Youth Development Scheme 2022-23 ha ka College Seminar Hall. Ka jingthmu jong kane ka conference ka long ban ai jinghikai kaba pura halor baroh ki liang jong ka koit ka khiah.

Ka Dr Melodynia Marpna, Assistant Professor, Department of Nutrition and Dietetics, Martin Luther Christian University ka la kren halor ka phang “Nutrition for our youth”. Katba Dr Sonali S Tesia, Consultant Psychiatrist, Mind and Wellness Clinic ka la ai jingmut halor ka phang “Mental health for young people”.

Ka conference ka la pynkut da ka jingpynkilan met hapoh ka jingialam jong ka  Kong Dapalei L Warjri, Zumba Instructor. Ha kane ka conference ki la don baroh kumba 180 ngut ki khynnah jong ka kolej kiba la poi ban ia shim bynta.