U Bah Banshai Marbaniang ryngkatlang bad u Bah Curchill Syiemlieh ki dkhot jong ka Awaken Concerned Citizens jong ka Jylla ki pan jingshai na u Symbud Myntri rangbah ba peit ia ka tnat kam pynroi sor u Bah Sniawbhalang Dhar halor ka jingkren jong u kan pyndam noh ïa ka jingpyntreikam ïa ka smart road project ha jylla. Katkum ka kyrwoh ba la phah da u bah Bah Banshai Marbaniang u nongialam ka Meghalaya Awaken Concerned Citizens ula ong, naduh 6 tarik u bnai Iaiong (April) u la pan lyngba ka RTI hok wad jingtip RTI Act, 2005 na ka tnat PWD (Roads) ha ka jingpyntrei ia ka Surok na shadien jong ka MPSC Building bad ka All Saints School hapoh Lower Lachumiere na ka bynta ban ioh jingshai ha kaba ia dei bad katei ka kam kaba la wanrah ia kajingehjong kiba bun ki paidbah kiba iaid baieng man ka sngi kaba ym shym la lah ban pyndep haduh mynta. Hynrei ka tnat kam shym la lah ban ai jubab kaba shai katkum ka kyndon jong ka Section 7 sub-section (1) jong ka RTI Act, 2005 bad lashim por haduh lai bnai kynthih ban jubab ha ka 8 tarik u Bnai, Naitung (July) lyngba u Dy. Chief Engineer ka tnat PWD (Roads) ka Sorkar Jylla.
Hadien ba la ioh ka jubab lyngba ka RTI ka bym shai na ka liang ka kynhun ka la leit iakynduh ia u Dy. Chief Engineer jong ka tnat PWD (Roads) ha ka 12 tarik u bnai Naitung halor ka kyndon ba dang hap ban buh shisyndon da ka pisa na u nongpan RTI ban ioh ia ka jubab kaba pura. Na ka liang u Dy. CE PWD (Roads) u la pdiang ia kane ban jingpynbeit thymmai hynrei kaba pynlynngoh tang hapdeng ki khyndiat kynta la iohi noh ia ka jingkren Bah Sniawbhalang Dhari u Dy. Chief Minister bad Urban Minister jong ka Sorkar Jylla lyngba ki lad pathai khubor ba la pynsangeh noh ia ka Smart Road Project hapoh Lower Lachumiere da kaba yn wanrah thymmai da kiwei lyngba ka State Plan kaba thymmai na ka bynta baroh ki surok kiba don hapoh ka Nongbah Shillong ha ka jaka jong ka smart road project kaba la pyndam. ula ong ka smart city project kaba la pyntrei ka thaiñ Lachumiere ka long kawei napdeng ki 17 tylli ki Smart City project ba la pyntreikam ha ka jylla bad I la shim ruh ia ka rai ban pyndam noh shisyndon khlem da pynshai pat halorka jingeh kaba la wanrah lyngba katei ka surok kaba la jingshlei Um na ka jinghap slap ha ki khyndiat sngi ba dep.
Na ka liang u Bah Banshai Marbaniang ula ong ba um hap ban leit iakynduh ia u Bah Sniawbhalang Dhar iba long kum u Dy. Chief Minister bad Urban Minister jong ka Sorkar Jylla halor ki rai kiba la shim na ka liangjong I ha kine ki sngi kumba ula ong, ba un pyrshang bad khmih bniah ïa baroh ki surok hapoh ka Nongbah Shillong kiba dei ban pyndep pura khlem da sahdien shuh lyngba kata ka state plan bathymmai ka ban iaid lyngba ka tnat treikam jong ka PWD (Roads) ka Jylla. U la pynpaw ryngkat ka kynhun ki sah hapdeng ka jinglyngngoh ruh ban iohi hapoh ka jubab RTI ba ka jingmang tyngka kaba la poi kumba 87 klur 18 lak tyngka ban pyntrei ia ka surok lyngba ka Smart City project kaba la pynsngeh noh kynsan da kaba yn wanrah da ka plan project thymmai. Lada ka pisa ka dei kaba la pynlut kat kumba la ioh jubab lyngba ka RTI na ka liang ka kynhun kan hap ban iaid shalor katkum ki kyndon jong ka Aiñ ne haduh u pud jong ka Public Interest Litigation (PIL) halor ka jingbymlah ban pyndep ia ki kam lyngba ka Sorkar Jylla kaba hap ban iaid lait ruh lada phai halor ki kyndon jong ka Riti Synshar Paidbah jong ka Ri India kaba la tip kum ka Indian Constitution.
