Ka Toyota Kirloskar Motor (TKM), mynta ka sngi, ka la pynbna ia ka dor bad la la plie na ka bynta ban book ia ka kali thymmai jong ka Toyota Rumion jong ka Grade G-AT bad ha kajuh ka por ba la plie biang ia ka E-CNG bookings. La khmih lynti ba kane ka kali thymmai jong ka G-AT kan nang kham kyntiew shuh shuh ia ka jinglah pyniaid iew ia ka Rumion namar ba ka long ka kali kabduna ka jingbam umphniang bad kaba itynnad bha ka dur ka dar na shabar. Ia kane ka kali thymmai jong ka TKM lah ban ioh na ki jaka die ne ki ex-showroom ha ka dor 13,00,000 tyngka bad ka jingpynpoi ia ka kali la khmih lynti ba kan sdang naduh ka 5 tarik u Jymmang. Ki nongthied ki lah ban book ia kane ka kali na kino kino ki jaka die kali ne lyngba ka online ha ka dor 11,000/- tyngka.
Ka Toyota Rumion G-AT kadei ka kali kaba don ia ka 1.5-litre K series petrol engine bad ka don ruh ia ka 6-speed Automatic Transmission, ka don ia ki bor teknology Neo Drive (ISG) ban pyntikna ba ka rukom niah ia ka kali kan long kaba bit ba biang. Ka kali kaba iaid da ka petrol ka pynmih ia ka bor kaba long 75.8 kw @6000 rpm bad ka torque kaba long 136.8 Nm @4400 rpm na ka bynta ka, CNG pat ka pynmih ia ka bor kaba long 64.6 kw @5500 rpm bad ka torque kaba long 121.5 Nm@4200 rpm. Lah ban ioh Toyota Rumion ha ki hynniew jait kata Neo drive MT: S, G bad V grade. Neo Drive AT: S, G bad V grade. E-CNG: S grade kaba don shibun ki jingtyrwa na ka bynta ki nongthied.
Ka kali G-AT ka don bad ki teknology kiba katkum ka juk ba mynta ba kynthup ia ka 17.78 cm Smartplay Cast Touchscreen audio system kaba lah ban pyniasoh bad ka Android Auto bad ka Apple CarPlay khlem da donkam pyndait wire. Ka don ruh ia ka Toyota i-Connect, ka don ruh ka jingtreikam kaba lah ban pynmih jingsyiad ne jingkhriat katkum ka jinglong ka suin bneng, ka lah ban lock/unlock, ka don ia ki light kiba lah ban pynmeh lada don jingma bad ba lah ruh ban pyniasoh ruh bad bun kiwei kiwei ki bynta treikam. Ka Toyota Rumion ka buh ha khmat ruh ia ki bynta treikam kiba iadei bad ka jingshngain na ka bynta ki trai kali ha kaba ka don ruh ia ki ar tylli ki airbags ne ki pla lyer na khmat, ka don ia ka ABS bad EBD, kane ka kali ka don ia ka bor kaba lah ban ym tyllun haba kiew ha ki jaka ba long lum ne Hill Hold, ka don ruh ia ka Electronic Stability Program (ESP) bad kiwei kiwei. Haba ai ia kane ka jingpynbna, U Sabari Manohar, Vice President – Sales and Strategic Marketing, TKM u ong, “Ngi sngew kmen haduh katta katta ban pynbna ba ngi la lah ban wanrah ia kane ka grade ba thymmai sha ka Toyota Rumion bad kumta ka ailad ia ki briew ba ki lah ban jied napdeng ki kali ba bun katkum ka jingdonkam jong ki. La plie ia ka booking na ka bynta ka G-AT. Naduh ba la pyllait paidbah ia ka ha u bnai Nailar ’23, ka Toyota Rumion ka la wanrah jingkmen hapdeng ki nongthied, kaba la ialam ia ki ba kin kylli ia shibun ki jingkylli bad ban book ia kane ki kali. Ngi sngewnguh haduh katta katta ia ka jingieid bad jingshaniah ba ngi la ioh na ki nongthied.
