Ban nang kyntiew shuh shuh ia ka nam jong ka ha ka jingpynmih ia ki kali ha ka rukom shna ba la leh da ki buit thymmai bad kaba phai khmat sha ka jingdonkam jong ki nongthied, ka ka Toyota Kirloskar Motor (TKM) mynta ka sngi ka la pynmih ia ka Urban Cruiser Hyryder ‘Festival Limited Edition’, kaba don ia ki jingpyndait ne ki tiar ki tar kiba bha bad ba la shna kyrpang ba la tip kum ki Toyota Genuine Accessories (TGA) Package. Kane ka jingpynmih ba thymmai jong ka Urban Cruiser Hyryder ka wan bad ki 13 tylli ki TGA khnang ba yn nang kham pynitynnad bad pynioh ia ka jingniah kaba bha tam. Nalor ka jingmih jong ka ba nyngkong ha u 2022, ka Urban Cruiser Hyryder ka la long ka kali kaba ki briew kylleng ka ru ki ia sngewtynnad, khamtam ia ka jingdon jong ki technology ba pher bad ba thymmai, ka jingtreikam ba pura, bad ka jingbam umphñiang kaba khyndiat. Ka jingitynnad jong ka lem bad ka pateng SUV jong ka Toyota, ka la pynlong ia ka ka kali kaba bun ki briew ki kham jied ha ka kynhun B-SUV. Lem bad ka jingkiew ha ka jingdawa ki briew ka Urban Cruiser Hyryder, ka ïai long ka kali kaba bun na ki nongthied ki ïai jied haba ki wad ia ki kali kiba lah ban ai ka jingtreikam kaba pura bad ka jingsuk ruh kumjuh. Ka Urban Cruiser Hyryder Festival Limited Edition ka don ia shibun ki jingtyrwa kiba bun jait bad ki long ruh kiba bha ia kiba la tip kum ki TGA, ia kaba la shna pynwandur ba kin nang kham pynitynnad shuh shuh ia ka kali bad nang kham pynsuk shuh shuh ia ki nongshong. Kane ka song kaba don 13 tylli ki jingpynitynnad kali ka dei kaba lah jied kyrpang na bynta ban nang pynjanai ia ka dur ba shabar bad ba shapoh jong ka kali. Kine ki song lah ban ioh ha ka V bad G grades jong ka Neo Drive bad ka Hybrid, kaba nang ai lad shuh shuh ia ki nongthied.
Haba ai jingkren shaphang kane ka jingpynmih thymmai, u Sabari Manohar – Vice President, Sales-Service-Used Car Business, Toyota Kirloskar Motor, u ong, “Naduh ka jingpynmih ia ka ha u snem 2022, ka Urban Cruiser Hyryder, ka la long ka dak ban pyni ia ka jingtrei ba radbah jong ka TKM ban pynmih ia ki kali kiba iaineh bad kane hi ka la pynpawnam ia ka kali bad bun na ki nongthied ki la ioh ia ka jingsngewhun. Ka jingkiew jong ka jingdawa bad ki jingpdiang sngewbha jong ki nongthied ka la nang ai mynsiem shuh shuh ia ngi ba ngin iai bteng ban nang kham pynbha shuh shuh ia kine ki jingtyrwa jong ngi. Ka jingialeh jong ngi ban pynhun ia ki nongthied ka la nang ai mynsiem ia ngi ban nang ïaid sha khmat ban sngewthuh ia ki jingdonkam jong ki nongthied jong ngi bad ban nang pynmih ki jingtyrwa da ki tiar ba pher.
Lyngba ka jingpynmih ia ka Urban Cruiser Hyryder Festival Limited Edition kaba don bad ki TGA Package, ngi thmu ban pynioh ia ka rukom niah kali kaba iahap bad sngewlong trai bad khamtam ban ai ka jingsngewtynnad ba pura ha ka rukom niah kali na ka bynta ki nongthied jong ngi, bad ha kajuh ka por ban ai ruh ia ka kali kaba lah ban treikam bha kumba ki tip da baroh ba ka Urban Cruiser Hyryder ka don ia kata ka nam. Kaei kaba pynlong ia ka kali ban long ka kali kaba ioh nong ka long ba kane ka kali SUV ka don ia ki jingshakri kiba bun ba la ioh lyngba ka Toyota khamtam ha kaba la saindur bad shna ia ka ba kan iahap bad ki nongthied ba ha India. Shuh shuh mynta ka aïom leh kmen, ka Urban Cruiser Hyryder Festival Limited Edition ka wan bad ki song ba lah buh khnang na ka bynta ban ai jingkmen sha ki nongthied jong ngi.”
Kum shibynta jong kane ka jingpynmih ba kyrpang, ka TKM ka tyrwa ia ki song ba lah ai sngewbha kaba shong dor 50,817 tyngka na ka bynta ki nongthied kiba kwah ban thied ia ka Urban Cruiser Hyryder Festival Limited Edition ia kaba lah ban ioh na baroh ki jaka die kali Toyota ha kylleng ka ri India naduh ka ka 31 tarik u risaw 2024. Baroh ki TGA yn pyndait da ki nongtrei ba tbit ka Toyota ha baroh ki jaka die kali, ban pyntikna ba ka rukom pyndait kan long kaba bha tam bad khang ba ki nongthied kin sngewhun. Shuh shuh ka Urban Cruiser Hyryder Festival Limited Edition, ka wan bad kiwei kiwei ki lad ai jingshakri ba nang kham pynbha shuh shuh ia ka kali ne ki value-added services kaba kynthup ia ka jingpynjlan ia ka warranty bad ki Toyota Genuine Accessories, ki bym rem dor bad ki ba lah shna khnang na bynta ka jingsuk jong ki nongthied.
Phi lah ban book ia ka na kylleng ki jaka die kali Toyota. Ki nongthied ki lah ruh ban book ia kane ka kali lyngba ka online da kaba leit sha ka https://www.toyotabharat.com/online-booking/ Lane phi lah ban shu leit mih sha ki jaka die kali Toyota ba jan tam.
