Pynmih ka Upstox ia ka jingialap paidbah ba la tip kum ka ‘Cut the Kit Kit’: Ka jingpynkup bor ban kheng pisa ne buh pisa ha ka rukom kaba biang ne kaba iahap

Ka Upstox, kaba long kawei na ki rynsan ba kiew sted bha ha India ha kaba iadei bad ka jingiakhaii pateng bad ka jingkheng pisa, ka la plie ia ka jingialap paidbah ban pynsaphriang ia ka kyrteng jong ka ne ia ka brand lyngba ki buit stad treikam ba thymmai, ia kaba la tip kum ka ‘Cut the Kit Kit, Get in the Market’. Da kane ka jingialap paidbah, ka jingthmu jong ka Upstox ka long ban iarap ia ki nongkheng pisa ba ki lah ban ioh ia ki kheng pisa ha ka rukom kaba biang khlem da hap ban mad ia shibun ki jingeh, ki jingsaw bad ioh than ia shibun ki jingtip. Katkum ka jingwad bniah jong ka  Upstox ka pyni ba ka jingiaid lynti ha ka jingkheng pisa ba la leh da ki briew ka lah ban long kaba bun ki jingeh namar ka jingbym ioh ia ki jingshai kiba biang, ka jingioh ia ki jingbatai kiba lah ban ialam bakla, ka jingioh bun than ki jingtip, ka jingpyndonkam ia ki kyntien kibym lah ban sngewthuh, kaba lah ban ialam sha ka jingbuh ne kheng ia ka pisa jong ki briew khlem da iahap bad ka jingthmu jong ki. 

Ki nongpyndonkam bunsien ki kham phai khmat bha sha ka jingioh ban ia ka jingma bad ki jingkhein kiba iadei bad ki jinglut ha kaba iadei bad ka mutual fund bad ka insurance plan, kaba ialam sha ka rai ka bym bit bym biang bad kabym da don ka jingshngain hapdeng ki nongkheng pisa. Ka Upstox ka thmu ban ialeh ban pynduna ia kine ki jingeh da kaba weng ia kine ki jingjyrwit jyrwat ha ka iew bad pynshlur ia ki briew ba kin kheng pisa ha kaei kabab ha tam na ka bynta jong ki, bad kata ka long “Cut the Kit-Kit” bad pynshlur ia ki briew ba ki lah ban kyntiew ha ka jingioh ia ka spah ka phew. Ka Kavitha Subramanian, Co-Founder jong ka Upstox, ka ong, “Ka jingthmu jong ka Upstox’s mission ka long ban pynkup bor ia man la ki nong India da ki jingtip kiba dei bad ki jinglad ki lynti kiba biang ban kheng pisa ha ka rukom kiba biang ha kylleng ki bynta bapher bapher, da kaba kia ria ki jingma kiba kynrei.” 

Ka Upstox ka la pyllait paidbah ia ka phlim kaba long ka jingialap paidbah shaphang jong ia kaba la tip kum ka “Cut the Kit Kit, Get in the Market” kum ka khubor sha ki nongkheng pisa. Ia kane ka phlim la ring ha ka jaka ba pynlong ha ka theatre ne ka rynsan, ha kaba ki nongkheng pisa ne ki nongbuh pisa ki la pynpaw ia ka jingsngew kwah jong ki ban buh ia ka mutual fund, kaba pyni ia ka jingkhih lamwir bad ka jingkulmar jingmut ha ka iew.