Ka District Legal Services Authority, East Khasi Hills District, Shillong ryngkat ka jingiatreilang bad ka Meghalaya State Legal Services Authority, Shillong lyngba ka jingkyrshan ka National Legal Services Authority hynne ka sngi ka la pynlong ia ka Ka prokram ba shisngi ban pynsngewthuh halor ki ain ban shakri ia ki briew kiba ngop ha ka jingdih drok bad ban pynduh jait ia u drok bad ka ain ban iada ia ki khynnah ha ki kam thombor ha ka shongkha la pynlong ha shnong Laitryngew, hapoh ka Sohra Civil Sub Division.
Ha kane ka prokram la wan ban iashim bynta lang da ka kong B. Kharlukhi, Secretary, DLSA, Shillong, bah Pynhun Syiem, SDPO, Sohra, bah Anthony B. Khongsit, O/c, Sohra, Police Station, Sohra bad kiwei ki riew rangbah ka thain.
Ha kane ka prokram la pynlong ka jingïaid paidbah ba la ïashim bynta da ki khynnah skul bad la ioh ka jingkren na ki riew shemphang halor ki phang pdeng: ‘Free Legal Aid & Services, ka NALSA 15100 Helpline, ka jingdih drok, ka aiñ & ka jingpynshitom, ka aiñ POCSO, 2012 ki kam runar bad jingpynshitom.
