Kum shibynta ban rakhe ia ka World Mental Health Day, ha ka 10 tarik u Risaw, ka Department of Psychiatry and Continuing Nursing Education (CNE) Cell NEIGRIHMS ka la pynlong ia ka workshop da ka jingthmu ban pynsngewthuh ia ki paidbah ha kaba iadei bad ka jingpang kaba ktah ia ka bor pyrkhat pyrdaiñ. Ia katei ka jingialang kaba la pynlong halor ka mat “It is Time to Prioritize Mental Health in the workplace”, palat iaka 600 ngut ki Nursing Officer na kylleng jong ka jylla Meghalaya kila wan iashimbynta ha ka workshop.
Da ka jingthmu ban ialap ba dei ban don ia ka jingkoit jingkhiah ha ka jaka trei bad la pynpaw ruh ia ka jingdonkam ban buh hakhmat eh, ban kyntiew bad ban iada ia ka jingkoit jingkhiah ha ki jaka trei. U Prof. (Dr.) Nalin Mehta, Director, NEIGRIHMS kum u Kongsan ryngkat bad u Prof. (Dr.) C. Daniala, Medical Superintendent kum u symbud kongsan kila plie ia katei ka workshop. U Prof. (Dr.) Nalin Mehta ula kren halor ka jingshah niewbein ha ka imlang sahlang haduh kine kisngi kiba mynta, ha kaba iadei bad ki jingpang kaba iadei bad ka jingktah ia ka jingmut pyrkhat bad ula kyrpad ia ki nongiashim bynta ba kim dei tang ban long kiba sngewthuh ia kitei ki jingeh hynrei kidei ruh ban pynphriang ia ka khubor kaba bha ban iarap ban pynkylla ia kane ka jingmut jingpyrkhat ban pynshlur ia ki paidbah ba kim dei ban artatien ha kaban ai jingiarap.
Ula banjur ruh ia ka jingdonkam ban ithuh ïa ki dak kiba mardor jong ka jingsngewsih bad ki jingeh ha ka jingmut jingpyrkhat khnang ba yn lah ban ïarap ha ka por kaba biang bad ban ioh khanglad ïa kino kino ki jingthmu kiba sniew. U Prof. (Dr.) C. Daniala ula pynpaw ia ka jingdonkam ban iatreilang kum ka kynhun ban pynthikna ia ka jingkoit jingkhiah ha ka bor pyrkhat jong baroh ki nongtrei bad ban thaw ia ka rukom treikam kaba koit ba khiah. Lyngba ki jingïakren bad jingiatai halor ki mat bapher kynthup ïa ki jinghikai na ka Department of Psychiatry and Continuing Nursing Education Cell, kane ka jingïalang ka la long kaba jop bha bad kala ai mynsiem ïa baroh kiba wan ïashimbynta.
