Ka tnat Neurology ka NEIGRIHMS, Shillong, ha ka sngi Saitjain ka la pynlong ia ka jingshna dur ‘Poster’ ban pynshai paidbah shaphang ka jingpang ba ktah ia ak jabieng kaba pynduh ia ka bor jingkynmaw ne Alzheimer bad la rakhe ruh ia ka World Alzheimer’s Day halor ka phang “Time to Act on Dementia, Time to Act on Alzheimer’s Disease,” kaba pyni ia ka jingdonkam ban shimkhia ban weng ia kane ka jingpang kaba la nangkiew ha kylleng ka pyrthei.
Ia kane ka jingiakop la pynlong ha ki lai tylli ki bynta: Nursing Officers, Interns & Resident Doctors bad nongtrei ha ki OPD bad ki nongjop ha kawei pa kawei ka kyrdan kila ioh ia ka jingithuh halor ka jingstad bad ka jingnoh synniang ban pynphriang ia ka jingtip bad ka jingthmu ka pyni ia ka jingaiti jong ka NEIGRIHMS Hospital ban kyntiew ia ka jingtip ha ki nongtrei jong ki bad ban hikai ia ki paidbah halor ka jingdonkam ban lap kloi bad ban shimkhia ia ka jingpang Dementia bad Alzheimer bad ban ialeh pyrshah ia ka jingshah niewbeiñ.
Ha kane ka sngi la sam ia ki khusnam bad la ioh ruh ia ka jingkren na u Prof Dr. S R Sharma Head of department of Neurology, NEIGRIHMS, U Prof. (Dr.) A. Santa Singh, Dean, NEIGRIHMS, U Prof. Dr. C. Daniala, Medical Superintendent KA NEIGRIHMS bad na u Director ka NEIGRIHMS u Prof. Dr. Nalin Mehta.
