Kum shi bynta ban kyntiew ia ka sap ka phong jong ki samla donsap ka dong ka thain bad ban ai iaka rynsan iaki, ka Jingshai Entertainment haka 20 tarik u Naitung 2024 kala pynlong iaka “Summer Arts Competition” ka open to all Competition kaba kynthup iaka jingiakop dro dur, Ka jingiakop shondur, Ka jingiakop thoh Poetry bad ka Flower Arrangement.
Ia ka nam lahduh haka jingiakop dro dur halor ka theme kaba ong “Conservation of Environment” la ioh rah da u Nebanshai Wahlang katba Iaka nam lahduh haka jingiakop thoh poetry halor ka theme kaba ong ” Nation of India” la ioh rah da Angel Jollyza Marbaniang.
Shuh shuh haka Flower Arrangement iaka nam lahduh la ioh rah da u Iengskhemlang Nongsiej bad iaka nam lahduh haka jingiakop shondur la ioh da u Generous Kurbah.
Ha kane ka jingiakop bala pynlong ha Tirot Sing Memorial Halls Pyndengumiong Mairang la ioh ruh ban Sam iaki khusnam sha baroh kiba la wan haka kyrdan kaba ar haki Jingiakop bapher bapher. Kiba la iadonlang ha kane ka sngi ki kynthup ia u General Secretary ka shnong Pyndengumiong u bah Lambok Nongrang uba la long kum u kongsan, ka vice Principal ka St.Thomas Higher Secondary School ka Sister
Cecilia Kujur, u sordar ka shnong Nongrmai u bah Shailes Nongrang nalor kiwei kiwei kiba la shah khot sngewbha.
