Rah ka Royal Challengers ïa ka kriket T20 jong ka Mawten SC

Ka Royal Challengers napoh Mawsynram, East Khasi Hills District ka la ioh rah ia ka nam lahduh jong ka Mawten IV Invitation T20 Cricket Tournament 2023-24, ba la pynlong da ka Mawten Sports Club ha Madan Mawpyllun, Mawten, Mawkyrwat ha South West Khasi Hills District hadien ba ka la jop da 5 wicket ia ka Nongpoh Town Club ha ka jingiakhun Final kaba la long mynta ka sngi.
Ha kane ka jingiaknieh nam lahduh, ka Nongpoh Town Club ka la jop ia ka toss bad ka la kamai 113 run na ki 16.5 over haba tied nyngkong.
Haba beh ia ka thong, ka Royal challengers ka la lah ban pyndep ha ki 17.1 over ban kamai 115 run bad liem 5 wicket bad ka ka la jop ia ka Final da 5 wicket. U Rudy Shangpliang ka Royal Challengers u la kamai 52 run bad u la ioh khur ia ka khusnam Man of The Match.
U Bharat Gurung ka Nongpoh Town Club u la shah jied kum u Man of The Tournament, katba u Rohit Rai ka Donkin SCC u la long u nongtied ba ioh kamai bun run tam, bad u Robin Chettri ka Royal Challengers pat u la long u nongkawang bol ba ioh bun tam ki wicket ha kane ka lympung ialehkai.
Ka Royal Challengers kum ka lahduh ka la ioh khur T. 40,000 ryngkat ka trophy katba ka Nongpoh Town Club kaba la wan ba-ar ka la ioh T.20,000 ryngkat ka trophy.
Ha kane ka sngi pynhap pyrda la ia dohlang ruh u Bah Gideon Kharkongor, Secretary jong ka Meghalaya Cricket Association ha ryngkat ka jingiadonlang u Dhrubajyoti Takuria, Treasurer ka Meghalaya Cricket Association, lem bad ki nongkitkam ka South West Khasi Hills District Cricket Association, ki nongkitkam ka Mawten Sports Club, ki ophisar ka tnat ialehkai lem bad ki riew pawkhmat napoh ka thain Mawkyrwat.