Kiba haiing ka samla Eulaila Altruina Malngiang mynta ka sngi ki la pynkup burom ia ka hadien ba ka la ioh rah ia ka kyrdan 1st Runner up ha ka jingiakob Miss Global International Ambassador 2024 ban wanrah nam bad burom ia ka jaidbynriew bad ka jylla. Ia kane ka jingiakob Miss Global International Ambassador 2024 la pynlong da ka GMI Global Model India ha ka 1 tarik Iaiong ha Nepal ha kaba la wan iashim bynta da ki samla thei bhabriew na kylleng ki ri kynthup kum na ki ri Phillipines, Sri lanka, Malaysia, Nepal nalor kiwei de ki ri.Haba kren ha kane ka sngi, ka samla Eulaila ka la ong ba ka la sdang ia ka jingiaid lynti jong ka ha kane ka rynsan kadei naduh ka por mar iadep ia ka jingpule ha ka Matric da ka jingai mynsiem ka kmie lem ki bahaiing hasem jong ka.
Ka la ong ba hapdeng ki jingiaid lynti jong ka, ka la iakynduh ia kiba bun ki jingeh ha ka jingim hynrei kam shym la kynran dien bad ka la ai mynsiem ruh ia kiwei ki samla haba ki don ia ka jingkut jingmut bad lada ki shaniah ha lade, yn lah ban poi sha ka thong. “Nga la ju ia shim bynta ha kiba bun ki rynsan jingiakob. Hapdeng kine don kiba nga jop bad don kiba nga shah rem. Hynrei wat la ngam jop, ngam ju kynran dien,” ong ka samla Eulaila. Ka samla Eulaila ka la ong ba ka jingpoi jong ka sha kane ka thong ka dei namar ba ka ioh mynsiem bad ka ioh ka jingkyrshan na ka kmie, ki ba haiing hasem bad kiwei de.
ia ka samla Eulaila kaba la lah ban wanrah burom ia ka iing ka sem bad ka jylla baroh kawei.Ha kajuh ka por u bah Manuel ula ong ba kane ka dang dei tang ka sienjam jong ka jingsdang namarkata donkam ban don ka jingangnud bad ka jingthrang naduh mynsiem ban kiew shaduh sha kliar. Ula ai mynsiem ruh ia kiwei ki samla ba kin mih shakhmat ym tang ha ki rynsan thei bhabriew hynrei ha kino kino ki kam ba leh ban iaid beit watla da iakynduh jingeh ha ka liang ka pisa pilian ne kino kino ki jingeh, dei ban iaid beit shakhmat.
